“संभाजी महाराजांच्या हत्येच्या कटात हिंदुंचा सहभाग”, प्रकाश आंबेडकरांच्या विधानावर फडणवीसांची पहिली प्रतिक्रिया, म्हणाले…

प्रकाश आंबेडकर हे नवा इतिहास लिहित असतात. परवा ते औरंगाजेबाच्या कबरीवर गेले होते. तिथे त्यांनी काय वक्तव्य केलं, ते सगळ्यांनी ऐकलं आहे, असा टोला देवेंद्र फडणवीसांनी लगावला. प्रसारमाध्यमांशी बोलतांना फडणवीसांनी ही प्रतिक्रिया दिली.

आणखी वाचा

Baba Siddique Shot Dead : बाबा सिद्दीकी यांच्या हत्येसाठी हल्लेखोरांनी पेपर स्प्रे का आणला होता? पोलीस म्हणाले…

२२ ऑक्टोबर पंचांग: जन्मराशीनुसार आज कर्तुत्वाला मिळेल चांगला…

Baba Siddique Shot Dead : बाबा सिद्दीकींच्या हत्येचा कट तुरुंगात रचला! रेकी, ३ शूटर, ६ गोळ्या आणि.. आत्तापर्यंत काय काय घडलं?

डेक्कन येथील संभाजी महाराजांच्या पुतळ्याबाबत महापालिकेने घेतला मोठा निर्णय!

Dr. Babasaheb Ambedkar on Navaratri: सार्वजनिक नवरात्रौत्सवासाठी डॉ. बाबासाहेब आंबेडकर आणि प्रबोधनकार ठाकरे कसे ठरले प्रेरणास्थान?

Rahul Gandhi : राहुल गांधी दोन दिवसीय कोल्हापूर दौऱ्यावर; छत्रपती शिवाजी महाराजांच्या पुतळ्याचं अनावरण करणार, संविधान सन्मान संमेलनाला उपस्थिती

जरांगेंनी निवडणूक लढवली नाही, तर ते पवारांच्या इशाऱ्यावरील हे स्पष्ट; ॲड.प्रकाश आंबेडकर यांचे टीकास्त्र

भ्रष्ट लोकांच्या हातून पुन्हा शिवरायांच्या पुतळ्याची उभारणी नको – भास्कर जाधव

संभाजी महाराजांच्या हत्येच्या कटात हिंदुंचा सहभाग होता, या प्रकाश आंबेडकरांच्या विधानाबाबत विचारलं असता देवेंद्र फडणवीस म्हणाले, “असं आहे की, प्रकाश आंबेडकर हे नवा इतिहास लिहित असतात. परवा ते औरंगजेबाच्या कबरीवर गेले होते. तिथे त्यांनी जे वक्तव्य केलं, ते सगळ्यांनी ऐकलं आहे. हिंदू असो वा कुणीही असो, हे सगळ्यांना माहीत आहे की, औरंगजेबाने छत्रपती संभाजी महाराजांवर अनन्वित अत्याचार केले होते.”

हेही वाचा- “नथुराम गोडसेचं उदात्तीकरण करणं अयोग्य”, देवेंद्र फडणवीसांचं विधान चर्चेत

“इतिहास बदलण्याचा प्रयत्न कुणीही करू नये”

“औरंगाजेबाने हे अत्याचार आणि छळ करण्याचं एकमेव कारण होतं, ते म्हणजे, संभाजी महाराज सातत्याने देव, देश आणि धर्माची लढाई लढत होते. संभाजी महाराजांना ती लढाई सोडून आपला धर्म बदला, आमच्या धर्मात या आणि आम्हाला नतमस्तव व्हा, असं सांगितलं जात होतं. पण छत्रपती शिवरायांच्या छाव्याने अत्याचार सहन केले. पण औरंगजेबाची मागणी मान्य केली नाही. त्यामुळे छत्रपती संभाजी महाराजांचा अनन्वित अत्याचार करून औरंगजेबाने त्यांना मारलं आहे, हे संपूर्ण जगाला माहीत आहे. हा इतिहास बदलण्याचा प्रयत्न कुणीही करू नये,” असा टोला फडणवीसांनी प्रकाश आंबेडकरांना लगावला.

हेही वाचा- “संभाजी महाराजांच्या हत्येत हिंदुंचाही सहभाग”, थेट इतिहासाचा दाखला देत प्रकाश आंबेडकरांचं मोठं विधान!

प्रकाश आंबेडकर नेमकं काय म्हणाले?

इतिहासाचा दाखला देत संभाजी महाराजांच्या हत्येबद्दल प्रकाश आंबेडकर म्हणाले की, “देशात सध्या जुन्या राजांचं उदाहरण देऊन समाजात दुफळी निर्माण केली जात आहे. पण तशी वस्तुस्थिती नाही. त्यांच्या (संभाजी महाराज) हत्येच्या कटात मुघल बादशहाबरोबर भारतातील हिंदू भटजीही होते. हत्येच्या कटात त्यांचाही सहभाग होता, यावर इतिहासकारांनी सविस्तर लिहायला हवं. जेणेकरून देशात पुन्हा कुणी जयचंद कुणी येणार नाही, देशाचं स्वातंत्र जाणार नाही.”