“१० वर्षांतील विक्रमी गुंतवणूक नऊ महिन्यांत”, देवेंद्र फडणवीसांनी यादीच दिली; पाहा गुजरात कितव्या क्रमांकावर

देवेंद्र फडणवीस यांनी म्हटलं आहे की केंद्र सरकारच्या डीपीआयआयटीने विदेशी गुंतवणुकीचा डिसेंबर २०२४ अखेरचा अहवाल जाहीर केला असून, गेल्या १० वर्षांतील सर्वाधिक वार्षिक परकीय गुंतवणूक ही अवघ्या ९ महिन्यांत महाराष्ट्राने प्राप्त केली आहे. २०२४-२५ या आर्थिक वर्षांतील पहिल्या नऊ महिन्यांत आतापर्यंत एकूण १,३९,४३४ कोटी रुपये इतकी परकीय गुंतवणूक आली आहे. ही गेल्या १० वर्षांत महाराष्ट्रात कोणत्याही एका वर्षात आलेल्या परकीय गुंतवणुकीपेक्षा सर्वाधिक गुंतवणूक आहे. असे करताना महायुती सरकारने आपलाच २०१६-१७ या आर्थिक वर्षाचा विक्रम मोडला आहे. अर्थात या आर्थिक वर्षातील एक तिमाही आणखी बाकी आहे.

महाराष्ट्राला कर्नाटक-गुजरातची टक्कर

मुख्यमंत्री म्हणाले, संपूर्ण महाराष्ट्राचे पुन्हा एकदा मन:पूर्वक अभिनंदन! माझे सहकारी उपमुख्यमंत्री एकनाथ शिंदे, उपमुख्यमंत्री अजित पवार आणि मंत्रिमंडळाच्या नेतृत्त्वात आपल्या महाराष्ट्राची ही घौडदौड ही अशीच कायम राहील.” डणवीसांनी देशातील सर्वाधिक विदेशी गुंतवणूक मिळवणाऱ्या टॉप १० राज्यांची यादी जाहीर केली आहे. या यादीनुसार महाराष्ट्रापाठोपाठ कर्नाटकचा दुसरा क्रमांक लागतो. त्यानंतर अनुक्रमे गुजरात, दिल्ली, तमिळनाडू, हरियाणा, तेलंगणा, झारखंड, राजस्थान, उत्तर प्रदेश या राज्यांचा नंबर लागतो.

राज्यातील विदेशी गुंतवणुकीची आकडेवारी

२०२०-२१ : १,१९,७३४ कोटी

२०२१-२२ : १,१४,९६४ कोटी

२०२२-२३ : १,१८,४२२ कोटी

२०२३-२४ : १,२५,१०१ कोटी

२०२४-२५ (एप्रिल ते सप्टेंबर या सहा महिन्यात) : १,१३,२३६ कोटी