“मेस्मा लावण्याऐवजी राज्य सरकारने…”, देवेंद्र फडणवीसांचं एसटी कर्मचारी संपावरून टीकास्त्र!

“आम्ही भरपूर मदत केली, पण…”

एसटी कर्मचारी संपाच्या मुद्द्यावर सरकारकडून मार्ग काढण्याचा प्रयत्न होत नसल्याचं देवेंद्र फडणवीस यावेळी म्हणाले. “एसटी कर्मचाऱ्यांच्या संदर्भात सरकराची भूमिका लोकशाहीविरोधी आहे. मार्ग काढण्याचा कोणताही प्रयत्न सरकारकडून होत नाहीये. विरोधी पक्ष म्हणून आम्ही भरपूर सहकार्य सरकारला केलं. पण सरकारनं दोन पावलं पुढे यायला हवं, ते सरकार येत नाही”, असं फडणवीस म्हणाले आहेत.

आणखी वाचा

Ajit Pawar : “जर कुणी खंडणी मागितली तर…”, अजित पवारांनी बीडमध्ये स्पष्टच सांगितलं; म्हणाले, “काही लोक रिवॉल्व्हर…”

Economic Survey: आर्थिक सर्वेक्षण अहवाल सांगतोय २०२५ हे…

बेकायदा बॅनरबाजी फक्त बघू नका, तक्रारही करा; अंबरनाथ नगरपालिकेचे नागरिकांना आवाहन

Ravi Rana : “उद्धव ठाकरे अन् देवेंद्र फडणवीसांची छुपी रणनीती”, ‘या’ नेत्याचा मोठा दावा; म्हणाले, “लवकरच…”

Ajit Pawar : राज्याला तिसरा उपमुख्यमंत्री मिळणार? संजय राऊतांच्या दाव्यावर अजित पवारांचं चार शब्दांत उत्तर; म्हणाले…

Bharatshet Gogawale : “एक दिवस तुमच्या सुसंस्कृतपणाचा पाढा…”, भरत गोगावलेंचा सुनील तटकरेंना थेट इशारा

व्यक्तिवेध : सीसिल रिचर्ड्स

एकनाथ शिंदे यांच्या नाराजीची मुख्यमंत्री फडणवीस यांनी तात्काळ दखल कशामुळे घेतली ?

असंवेदनशीलतेचा कळस

या मुद्द्यावर सरकारची भूमिका म्हणजे असंवेदनशीलतेचा कळस असल्याचं फडणवीस म्हणाले आहेत. “काल मला माहिती मिळाली की एक उपोषणकर्ता कर्मचाऱ्याचा दुर्दैवी मृत्यू झालेला आहे. सरकारच्या संवेदना हरवल्या आहेत. असंवेदनशीलतेचा कळस आहे. अजूनही वेळ गेलेली नाही. मेस्मा लावण्याऐवजी सरकारने चर्चेतून मार्ग काढावा”, अशी अपेक्षा फडणवीसांनी व्यक्त केली आहे.

Video: “…अन्यथा संपकरी एसटी कर्मचाऱ्यांना ‘मेस्मा’ लावू”, अनिल परब यांचा इशारा!

राज्य सरकारचं आवाहन

“एसटीच्या इतिहासात कधी मिळाली नसेल एवढी म्हणजे ४१ टक्के वाढ सरकारने दिली. यामुळे १० वर्षे ते ३० वर्षे सेवा करणाऱ्या कर्मचाऱ्यांना २४ हजार ते ५६ हजार रुपये वेतन मिळणार आहे. तसेच न्यायालयाच्या अधीन राहून नियुक्त समितीच्या शिफारशीनुसार विलिनीकरणाचा निर्णय घेण्यात येणार आहे. त्यामुळे संप तात्काळ मागे घ्यावा”, असं आवाहन परिवहन मंत्री अनिल परब यांनी केलं आहे. 

सत्तेच्या अहंकारात इतके मदमस्त राज्यकर्ते….

दरम्यान, नायर हॉस्पिटलमधील आगीच्या दुर्घटनेप्रकरणी देखील फडणवीसांनी राज्य सरकारवर निशाणा साधला. “सातत्याने आग लागण्याच्या घटना घडत आहेत. पण सरकारकडून कोणतीही कारवाई होत नाही. नायर हॉस्पिटलमध्ये कुणी बघायलाही गेलं नव्हतं. आमच्या आमदार, नगरसेवकांनी मांडला, तेव्हा यांना जाग आली आणि ते बघायला गेले. सत्तेच्या अहंकारामध्ये इतके मदमस्त राज्यकर्ते यापूर्वी कधीच पाहिले नाहीत, जनता यांना माफ करणार नाही”, असं ते म्हणाले.