मनसे महायुतीत येणार का? देवेंद्र फडणवीस म्हणाले, "आमची निश्चितपणे राज ठाकरेंशी..."

अलीकडच्या काळात मुख्यमंत्री एकनाथ शिंदे आणि राज ठाकरे यांच्या भेटीगाठी वाढल्या आहेत. त्याचबरोबर उपमुख्यमंत्री देवेंद्र फडणवीसही वरचेवर राज ठाकरे यांना भेटत असतात.

देवेंद्र फडणवीस यांनी भाजपा-मनसे युतीवर भाष्य केलं.

महाराष्ट्रातील सर्व प्रमुख पक्ष महायुती किंवा महाविकास आघाडीत आहेत. भारतीय जनता पार्टी, शिवसेना (शिंदे गट), राष्ट्रवादी काँग्रेस पार्टी (अजित पवार गट) आणि इतर लहान पक्ष महायुतीत आहेत. तर काँग्रेस, शिवसेना (ठाकरे गट), राष्ट्रवादी (शरद पवार गट) महाविकास आघाडी म्हणून एकत्रितपणे निवडणूक लढणार आहेत. तसेच वंचित बहुजन आघाडी लवकरच महाविकास आघाडीत सामील होऊ शकते. परंतु महाराष्ट्र नवनिर्माण सेनेसारखे काही पक्ष आहेत जे कोणत्याही युती किंवा आघाडीत सहभागी झालेले नाहीत. मनसे अद्याप स्वबळावर निवडणुका लढवत आली आहे. परंतु गेल्या काही महिन्यांपासून अधून मधून मनसे आणि भाजपाच्या युतीची चर्चा ऐकायला मिळते.

अलीकडच्या काळात मुख्यमंत्री एकनाथ शिंदे आणि राज ठाकरे यांच्या भेटीगाठी वाढल्या आहेत. त्याचबरोबर उपमुख्यमंत्री देवेंद्र फडणवीसही वरचेवर राज ठाकरे यांना भेटत असतात. त्यामुळेच मनसे महायुतीत सहभागी होणार असल्याची चर्चा राजकीय वर्तुळात चालू आहे. या चर्चेवर उपमुख्यमंत्री देवेंद्र फडणवीस यांनी भाष्य केलं आहे. फडणवीस यांनी लोकमतला दिलेल्या मुलाखतीवेळी मनसे आणि राज ठाकरेंबरोबरच्या संबंधांवर भाष्य केलं.

आणखी वाचा

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

Eknath Shinde on Ladki Bahin Yojana Sixth installment

महायुतीला सत्ता मिळाली, लाडक्या बहिणींना २१०० रुपये कधीपासून…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

uddhav thackeray emotional appeal impact to voters

उद्धव यांचे भावनिक आवाहन ठाकरे सेनेला कितपत तारणार? मराठवाड्याकडे विशेष लक्ष?

Election Commission officials check the helicopter of Union Home Minister Amit Shah

Amit Shah: आता थेट केंद्रीय गृहमंत्री अमित शाह यांच्या हेलिकॉप्टरची तपासणी; उद्धव ठाकरेंप्रमाणेच व्हिडीओ पोस्ट करत म्हणाले..

Eknath Shinde : “बंद सम्राटांना कायमचं…”, मुख्यमंत्री शिंदेंचा उद्धव ठाकरेंना मुंबईच्या सभेतून इशारा

Uddhav Thackeray criticized Eknath Shinde

“माझी बॅग तुझ्याकडे देतो, फक्त त्यातले कपडे…”; उद्धव ठाकरेंनी एकनाथ शिंदेंना डिवचलं!

हे ही वाचा >> “निवडणूक आयोगाची मोठी चूक अन्…”, उज्ज्वल निकमांचं आमदार अपात्रतेच्या प्रकरणावर मोठं वक्तव्य

देवेंद्र फडणवीस म्हणाले, आगामी काळात मनसे कुठे असेल, कोणाबरोबर असेल ते वेळच सांगेल. आमची निश्चितपणे राज ठाकरे यांच्याशी मैत्री आहे. आमच्या भेटीगाठी होत असतात. आम्ही अनेक विषयांवर गप्पा मारतो. ते बऱ्याचदा काही चांगल्या सूचना करतात. कधीकधी आमच्यावर टीकाही करतात. परंतु, आम्ही एकत्र येऊन काम करू की नाही हे आत्ता सांगू शकत नाही. ही गोष्ट लवकरच आपल्याला संमजेल. अद्याप कोणीही त्यावर निर्णय घेतलेला नाही.

काही दिवसांपूर्वी राज ठाकरे यांनादेखील प्रसारमाध्यमांच्या प्रतिनिधींनी असाच प्रश्न विचारला होता. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याबरोबरच्या भेटीगाठींवर मनसे-भाजपा-शिवसेना युतीच्या अफवांबाबत विचारल्यावर राज ठाकरे म्हणाले होते, इथे भाजपाबरोबर जाण्याचा प्रश्न नाही, कोणीही कोणालाही भेटलं की युत्या होत नसतात. मागे एकदा बाळासाहेबांचं (शिवसेनाप्रमुख दिवंगत बाळासाहेब ठाकरे) पुस्तक प्रकाशित केलं तेव्हा मंचावर शरद पवार उपस्थित होते, म्हणजे लगेच आमची युती झाली का? तो तुम्हा प्रसारमाध्यमांच्या रोजच्या बुलेटिनचा भाग असेल, त्याचा आमच्याशी संबंध नसतो.

First published on: 15-02-2024 at 23:15 IST

Web Title: Devendra fadnavis statement on bjp mns alliance raj thackeray asc

मनसे महायुतीत येणार का? देवेंद्र फडणवीस म्हणाले, “आमची निश्चितपणे राज ठाकरेंशी…”