“मला राग येतच नाही जयंतराव”, देवेंद्र फडणवीसांच्या कोपरखळीवर अजित पवारांचा टोला; म्हणाले, “ते माफ करत सुटलेत!”

नेमकं काय घडलं?

आजपासून अधिवेशनाच्या दुसऱ्या आठवड्याला सुरुवात झाली असून याच आठवड्यात अर्थसंकल्पही मांडला जाणार आहे. या पार्श्वभूमीवर या आठवड्यात दोन्ही बाजूचे सदस्य आक्रमक झाल्याचं पाहायला मिळण्याची शक्यता आहे. आज मात्र जमीन गैरव्यवहार प्रकरणावर सभागृहात चर्चा चालू असताना दोन्ही बाजूच्या सदस्यांनी एकमेकांना चिमटे काढल्याचं दिसून आलं.

आणखी वाचा

Ajit Pawar: “मी पेताड, गंजेडी असतो तर ठीक आहे, पण…”, अजित पवारांनी प्रतिभाताई पवारांचा भाषणात केला उल्लेख; म्हणाले…

Nana Patole : निकालाआधी राजकीय घडामोडींना वेग; यातच…

Devendra Fadnavis : “बटेंगे तो कटेंगे, एक है तो सेफ है या घोषणांमध्ये चुकीचं काहीच नाही, या घोषणा..”; देवेंद्र फडणवीस यांचं वक्तव्य

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

“आजकाल भाषण करतांना काळजी घ्यावी लागते” सुप्रिया सुळे असं का म्हणाल्या?

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

समाजवादी पक्षाचे आमदार रईस शेख यांनी आज विधानसभेत हिंदू देवस्थान आणि वक्फ बोर्डाच्या जमिनींच्या बाबतीत गैरव्यवहार घडत असल्याचा आरोप करून त्यावर वक्फ कायद्याअंतर्गत कारवाई केली जाईल का? असा सवाल सरकारला केला. त्यावर उत्तर देताना देवेंद्र फडणवीसांनी “याचा तपास नक्कीच केला जाईल. वक्फ कायद्यानुसार कारवाईची गरज असेल, तर तशा सूचना दिल्या जातील”, अशी प्रतिक्रिया दिली.

दिलीप वळसे पाटलांचे प्रश्न

दरम्यान, यावर बोलताना माजी गृहमंत्री आणि राष्ट्रवादी काँग्रेसचे आमदार दिलीप वळसे पाटील यांनी आक्षेप घेतला. “गृहमंत्र्यांना लवकर चौकशी संपवा वगैरे सूचना देता येत नाहीत असं म्हणणं मला पटलेलं नाही. हा अतिशय मोठा घोटाळा आहे. त्यामध्ये अनेक लोक गुंतलेले आहेत. याची चौकशी सध्या भ्रष्टाचारविरोधी पथकाकडून चालू आहे. माझी गृहमंत्र्यांना विनंती आहे की तुम्ही यासंदर्भात वेळेत चौकशी पूर्ण करणार का? यातल्या लोकांची नावं उघड करणार का?” असे प्रश्न वळसे पाटील यांनी केले.

जयंत पाटलांचा फडणवीसांना चिमटा आणि सभागृहात हशा!

दरम्यान, यावर फडणवीस बोलायला उभे राहताच जयंत पाटलांनी त्यांना शाब्दिक चिमटा काढला. “तुम्ही आज आक्रमक दिसत नाहीत. चिडलेले दिसत नाहीत. एवढा घोटाळा समोर मांडला जाऊनही तुमच्या चेहऱ्यावर राग दिसत नाही.तुम्हाला राग आलेला नाही”, असं जयंत पाटील समोरच्या बाकावर बसल्याबसल्याच म्हणाले. त्यावर फडणवीसांनी मिश्किलपणे “मला राग येतच नाही जयंतराव” असं म्हणताच सभागृहात हशा पिकला!

“आम्ही म्हणालो होतो की बदला घेऊ, आता आमचा बदला हा आहे की..”, देवेंद्र फडणवीसांचा विरोधकांना टोला!

यानंतरही जयंत पाटील यांनी थेट विधानसभा अध्यक्षांना मिश्किलपणे विनंती करत “याची नोंद घेतली जावी”, अशी टिप्पणी केली. त्यावर समोर बसलेले विधानसभा विरोधी पक्षनेते अजित पवार यांनी फडणवीसांच्या कालच्या वक्तव्याचा संदर्भ घेत “राग नाही, ते आता बदला म्हणून सगळ्यांना माफ करत सुटलेत”, असा टोला लगावताच सभागृहात पुन्हा हशा पिकला!

फडणवीसांचं ‘ते’ विधान आणि अजित पवारांचा टोला!

मंगळवारी धुळवडीच्या कार्यक्रमात माध्यमांशी बोलताना देवेंद्र फडणवीसांनी “आम्ही मागे सभागृहात म्हणालो होतो की या सगळ्याचा बदला घेऊ. आता (सत्तेत आल्यानंतर) आमचा बदला हाच आहे की आम्ही या सगळ्यांना माफ केलं”, अशी टिप्पणी केली होती. त्यावरून अजित पवारांनी आज फडणवीसांनी खोचक टोला लगावला.