सोलापूर : माढ्यात भाजपच्या उमेदवारीसाठी प्रबळ दावेदार राहिलेले धैर्यशील मोहिते-पाटील डावलून खासदार रणजितसिंह नाईक-निंबाळकर यांनाच पुनश्च संधी मिळाल्यामुळे मोहिते-पाटील समर्थकांमध्ये तीव्र संताप उसळला आहे. मात्र मोहिते-पाटील कुटुंबीय कोणतीही प्रतिक्रिया न देता शांत आणि पुढे पाहा या भूमिकेत असताना त्यांच्या समर्थकांनी राष्ट्रवादी शरद पवार गटाची तुतारी वाजविण्यास सुरुवात केल्यामुळे मोहिते-पाटील यांच्या पुढील भूमिकेविषयी औत्सुक्य निर्माण झाले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

यापूर्वी राष्ट्रवादी काँग्रेसचा अभेद्य गड मानल्या जाणाऱ्या माढा मतदारसंघात ज्येष्ठ नेते विजयसिंह मोहिते-पाटील यांनी राष्ट्रवादी सोडून भाजपमध्ये गेल्यानंतर मागील लोकसभा निवडणुकीत भाजपचे रणजितसिंह नाईक-निंबाळकर यांना निवडून येणे शक्य झाले होते. आता राष्ट्रवादी अजित पवार गट आणि शिवसेना एकनाथ शिंदे गटाच्या पाठिंब्यामुळे भाजपची ताकद आणखी वाढली आहे. दरम्यान, खासदार निंबाळकर आणि मोहिते-पाटील यांच्यात बेबनाव झाल्याच्या पार्श्वभूमीवर आगामी लोकसभा निवडणुकीसाठी माढ्यातून धैर्यशील मोहिते-पाटील यांनी उभे राहण्याची जोरदार तयारी केली होती. खासदार निंबाळकर व मोहिते-पाटील यांच्यात सुरू झालेली रस्सीखेच चर्चेचा विषय ठरला असताना अखेर भाजपने खासदार निंबाळकर यांना पुनःश्च संधी दिली. त्यामुळे मोहिते-पाटील गटाला धक्का बसला आहे.

आणखी वाचा

हेही वाचा – भाजपमध्ये उमेदवारीवरून सुरू झालेले नाराजीनाट्य चार दिवसांत संपेल, गिरीश महाजन यांचा दावा

हेही वाचा – सोलापूर लोकसभेसाठी इच्छुक नाही – मंत्री खाडे

उमेदवारीविषयी मोठा आत्मविश्वास बाळगलेल्या मोहिते-पाटील गटात आता कमालीचे नैराश्य आणि संताप पसरला असून समाज माध्यमांवर मोहिते-पाटील समर्थक आक्रमक होऊन, माढा-निंबाळकरांना पाडा, असा धोशा लावला आहे. एवढेच नव्हे तर कोणत्याही परिस्थितीत धैर्यशील मोहिते-पाटील हे माघार न घेता माढ्यातून निंबाळकर यांना आव्हान देणारच, अशी गर्जनाही त्यांचे समर्थक करीत आहेत. मोहिते-पाटील यांनी आता राष्ट्रवादी शरद पवार गटाची तुतारी वाजवावी, असा दबावही समर्थकांकडून वाढत आहे. समाज माध्यमांवर तुतारी वाजविली जात असून सोबत शरद पवार आणि विजयसिंह मोहिते-पाटील यांच्या प्रतिमाही झळकावल्या जात आहेत. तथापि, उमेदवारी डावलली गेल्यानंतर गेल्या तीन दिवसांपासून स्वतः मोहिते-पाटील कुटुंबीय मौन बाळगून असून त्यांच्याकडून कोणतीही प्रतिक्रिया आली नाही. त्यांची भूमिका येत्या एक-दोन दिवसांत स्पष्ट होण्याची अपेक्षा आहे.

यापूर्वी राष्ट्रवादी काँग्रेसचा अभेद्य गड मानल्या जाणाऱ्या माढा मतदारसंघात ज्येष्ठ नेते विजयसिंह मोहिते-पाटील यांनी राष्ट्रवादी सोडून भाजपमध्ये गेल्यानंतर मागील लोकसभा निवडणुकीत भाजपचे रणजितसिंह नाईक-निंबाळकर यांना निवडून येणे शक्य झाले होते. आता राष्ट्रवादी अजित पवार गट आणि शिवसेना एकनाथ शिंदे गटाच्या पाठिंब्यामुळे भाजपची ताकद आणखी वाढली आहे. दरम्यान, खासदार निंबाळकर आणि मोहिते-पाटील यांच्यात बेबनाव झाल्याच्या पार्श्वभूमीवर आगामी लोकसभा निवडणुकीसाठी माढ्यातून धैर्यशील मोहिते-पाटील यांनी उभे राहण्याची जोरदार तयारी केली होती. खासदार निंबाळकर व मोहिते-पाटील यांच्यात सुरू झालेली रस्सीखेच चर्चेचा विषय ठरला असताना अखेर भाजपने खासदार निंबाळकर यांना पुनःश्च संधी दिली. त्यामुळे मोहिते-पाटील गटाला धक्का बसला आहे.

आणखी वाचा

हेही वाचा – भाजपमध्ये उमेदवारीवरून सुरू झालेले नाराजीनाट्य चार दिवसांत संपेल, गिरीश महाजन यांचा दावा

हेही वाचा – सोलापूर लोकसभेसाठी इच्छुक नाही – मंत्री खाडे

उमेदवारीविषयी मोठा आत्मविश्वास बाळगलेल्या मोहिते-पाटील गटात आता कमालीचे नैराश्य आणि संताप पसरला असून समाज माध्यमांवर मोहिते-पाटील समर्थक आक्रमक होऊन, माढा-निंबाळकरांना पाडा, असा धोशा लावला आहे. एवढेच नव्हे तर कोणत्याही परिस्थितीत धैर्यशील मोहिते-पाटील हे माघार न घेता माढ्यातून निंबाळकर यांना आव्हान देणारच, अशी गर्जनाही त्यांचे समर्थक करीत आहेत. मोहिते-पाटील यांनी आता राष्ट्रवादी शरद पवार गटाची तुतारी वाजवावी, असा दबावही समर्थकांकडून वाढत आहे. समाज माध्यमांवर तुतारी वाजविली जात असून सोबत शरद पवार आणि विजयसिंह मोहिते-पाटील यांच्या प्रतिमाही झळकावल्या जात आहेत. तथापि, उमेदवारी डावलली गेल्यानंतर गेल्या तीन दिवसांपासून स्वतः मोहिते-पाटील कुटुंबीय मौन बाळगून असून त्यांच्याकडून कोणतीही प्रतिक्रिया आली नाही. त्यांची भूमिका येत्या एक-दोन दिवसांत स्पष्ट होण्याची अपेक्षा आहे.