Dhananjay Deshmukh : वाल्मिक कराडचा व्हिडीओ समोर येताच धनंजय देशमुख यांची प्रतिक्रिया, “खंडणी, खुनातले आरोपी एकच, सगळ्यांना..”

व्हायरल फुटेजमध्ये काय?

व्हायरल सीसीटीव्ही फुटेज विष्णू चाटे याच्या केज येथील कार्यालयाबाहेर आहे. २९ नोव्हेंबरला वाल्मिक कराड या कार्यालयात आला होता. यावेळी वाल्मिक कराड याच्यासह संतोष देशमुख यांची निर्घृणपणे हत्या करणारे प्रतीक घुले, सुदर्शन घुले आणि त्यांचे मित्र दिसत आहेत. विशेष म्हणजे संतोष देशमुख हत्या प्रकरणात संशयास्पद भूमिका राहिलेले आणि निलंबित झालेले पीएसआय राजेश पाटील हेदेखील वाल्मिक कराड यांना भेटल्याचे सीसीटीव्ही फुटेजमध्ये दिसत आहेत. याबाबत आता संतोष देशमुख यांचे बंधू धनंजय देशमुख यांनी प्रतिक्रिया दिली आहे.

आणखी वाचा

Dhananjay Deshmukh : वाल्मिक कराडला पोलीस कोठडी सुनावल्यानंतर धनंजय देशमुखांची प्रतिक्रिया; म्हणाले, “आम्ही वारंवार सांगतोय…”

क्रिकेटपटू रिंकू सिंहचं खासदार प्रिया सरोजशी लग्न ठरलं;…

“…तर अजित पवार धनंजय मुंडेंना सोडणार नाहीत”, हसन मुश्रीफांचं वक्तव्य

“न्याय देणारी व्यवस्था आरोपीला वाचवण्यासाठी…”, धनंजय देशमुखांच्या आंदोलनानंतर रोहित पवारांचा सरकारवर संताप

Dhananjay Deshmukh : “…अन्यथा टॉवरवर चढून मी स्वतः ला संपवून घेणार”, संतोष देशमुखांचे बंधू धनंजय देशमुखांची संतप्त प्रतिक्रिया

“बळं बळं चौकशी…”, धनंजय मुंडेंच्या राजीनाम्याच्या प्रश्नावर अजित पवारांचा संताप; म्हणाले, “या प्रकरणात…”

‘‘संतोष देशमुखच्या मारेकऱ्यांना फाशी द्या”, वाशीममध्ये सर्वपक्षीय मोर्चात मूक आक्रोश

Dhananjay Deshmukh : “मुख्यमंत्री देवेंद्र फडणवीस यांनी आम्हाला शब्द दिलाय..”, संतोष देशमुख यांचे बंधू धनंजय देशमुख काय म्हणाले?

हे पण वाचा- Dhanajay Munde: वाल्मिक कराडबरोबर आर्थिक हितसंबंध? धनंजय मुंडे स्पष्टच बोलले

धनंजय देशमुख काय म्हणाले?

“आम्ही तपास अधिकाऱ्यांना पुरावे दिले आहेत. आज आलेला व्हिडीओ, फोन कॉल सगळं काही मॅच होतं आहे. सगळा घटनाक्रम आहे. खंडणी ते खून यातले आरोपी एकच आहेत. खुनातलेच आरोपी आहेत. एकत्रित कट रचून खून करण्यात आला आहे. सगळ्यांना जाहीर फाशी झाली पाहिजे अशी आमची मागणी आहे.” असं धनंजय देशमुख यांनी म्हटलं आहे.

अंजली दमानिया काय म्हणाल्या?

“सगळ्यात गंभीर बाब ही आहे की गुन्हेगार तर फुटेज मध्ये बरोबर दिसत आहेत, ते असणारच. पण त्यांच्या बरोबर पीएसआय राजेश पाटील होते. त्यांची फक्त बदली करण्यात आली आहे. अशा अधिकाऱ्यांना गुन्हेगार केलं पाहिजे, सहआरोपी केलं जात नाही तोपर्यंत न्याय कसा मिळेल? जर त्या अधिकाऱ्याने आपलं काम चोखपणे केलं नसतं तर असे गुन्हे घडलेच नसते आणि संतोष देशमुख यांची हत्या झाली नसती.” असं अंजली दमानिया म्हणाल्या आहेत. टीव्ही ९ मराठीशी बोलताना त्यांनी प्रतिक्रिया दिली आहे. तर सुरेश धस यांनीही या प्रकरणात राजेश पाटील यांना सह आरोपी केलं जावं असं म्हटलं आहे.

भाजपाचे आमदार सुरेश धस काय म्हणाले?

सुरेश धस म्हणाले, “मी जे आरोप केले होते, त्याचे पुरावे एसआयटीने समोर आणले आहेत. माझे आरोप हवेतील नव्हते. या लोकांचा खंडणी, हत्येशी अकाचा संबंध आहे, यातून हे सिद्ध होतंय. अवादा कंपनींच्या शिंदेंना २९ नोव्हेंबरला गाडीत घालून पाथर्डीपर्यंत नेलं होतं. तिथून मारत मारत येथे आणलं, त्यानंतर त्याला सोडून दिलं. त्याचं हे सीसीटीव्ही फुटेज आहे. त्यामुळे १०१ टक्के आका, विष्णू चाटे, सुरेश आंधळे हे आरोपी आहेत.”