यांच्याशिवाय दुसरे कोणते बेस्ट कपल असू शकते का? धनंजय मुंडेंचा टोला

धनंजय मुंडे यांनी ट्विटमध्ये लिहिलं आहे की, ‘यांच्याशिवाय दुसरे कोणते बेस्ट कपल असू शकते का? गेली पाच वर्षे रोज कितीही भांडले तरी पुन्हा एकत्रच… केवढा तो एकमेकांवर जीव… नाही का?’ ट्विटमध्ये त्यांनी व्हॅलेंटाइन डेचा हॅशटॅगही दिला आहे.

राज्यात भाजपा-शिवसेना युतीचं सरकार आहे. मात्र सत्तेत भाजपाच्या मांडीला मांडी लावून बसलेल्या शिवसेनेने नेहमीच विरोधकांची भूमिका घेतली आहे. अनेकदा विरोधी पक्ष टीका करण्याआधीच शिवसेना भाजपावर टीका करुन मोकळी होते. शिवसेनेने अनेकदा सत्तेतून बाहेर पडण्याचीही धमकी दिली आहे. शिवसेनेच्या या भूमिकेवर विरोधी पक्षांनी नेहमी टीका केली असून हिंमत असेल तर सत्तेतून बाहेर पडून दाखवा असं आव्हानही दिलं आहे. पण अद्यापही युती कायम आहे. नेमका हाच मुद्दा घेत धनंजय मुंडे यांनी शिवसेना-भाजपाला टोला लगावला आहे.