१०८ क्रमांक डायल करताच अद्ययावत रुग्णवाहिका दारात

वाढत्या दुर्घटना लक्षात घेऊन रुग्णाला तत्काळ आरोग्य सेवा मिळावी, या साठी कृत्रिम श्वसन यंत्रणा, औषधी, शॉक मशीन, ऑक्सिजन सििलडर व सोबत डॉक्टर अशी सुसज्ज रुग्णवाहिका कोणत्याही वेळी केवळ १०८ क्रमांक डायल करताच दारात येऊन उभी राहील. या योजनेंतर्गत सरकारकडून जिल्ह्य़ात अशा अद्ययावत तब्बल १९ रुग्णवाहिका उपलब्ध झाल्या आहेत.
बीड शहरासह ग्रामीण भागात अपघाती रुग्ण, हृदयविकाराचा धक्का, सर्पदंश, विषबाधा, जळीत रुग्ण तसेच नसर्गिक आपत्तीच्या वेळी दवाखान्यात जाण्यासाठी वाहनांची सोय नसते. काही खासगी रुग्णालये व विविध सामाजिक संस्थांच्या रुग्णवाहिका असल्या, तरी वाढत्या दुर्घटनांचे प्रमाण लक्षात घेता या रुग्णवाहिका सर्वासाठी उपलब्ध होऊ शकत नाहीत. वेळेवर उपचार न मिळाल्यास रुग्णाला धोका निर्माण होऊ शकतो. त्यामुळे केंद्र व राज्य सरकारने भारत विकास ग्रुपच्या माध्यमातून इमर्जन्सी मेडिकल सव्‍‌र्हिस योजना सुरू केली आहे. या अंतर्गत प्रत्येक जिल्ह्य़ात अद्ययावत यंत्रणा असलेल्या रुग्णवाहिका उपलब्ध करून दिल्या आहेत. बीड जिल्ह्य़ात अशा १९ रुग्णवाहिका उपलब्ध झाल्या आहेत. २४ तास ही सेवा कार्यरत असेल, असे आरोग्य विभागाने स्पष्ट केले. नागरिकांनी या सेवेचा लाभ घ्यावा, असे आवाहन जिल्हाधिकारी नवलकिशोर राम यांनी व जिल्हा शल्यचिकित्सक डॉ. अशोक बोल्डे यांनी केले.

आणखी वाचा

राज्यभरातील खासगी रुग्णालयांची झडती… आरोग्य मंत्र्यांच्या सूचनेनंतर आता…

Malasian Airlines: बेपत्ता MH370 चा शोध; पुण्यातील प्रल्हाद…

‘एमएमसी’ निवडणुकीत सावळागोंधळ; १४ दिवस उलटल्यानंतरही उमेदवार अर्जाविनाच

नाशिक महापालिकेवर तक्रारींचा भडीमार;अतिक्रमणांशी संबंधित सर्वाधिक तक्रारी

आरोग्य संस्थांना महिन्यातून किमान दोन वेळा अचानक भेटी द्या, आरोग्य मंत्र्यांच्या आरोग्य विभागातील वरिष्ठांना सूचना

आरोग्य विभागातील डॉक्टरांची रिक्त पदे तातडीने भरा- आरोग्यमंत्री

जीबीएस रुग्णांना मिळणार मोफत ‘इम्युनोग्लोब्यूलिन’ इंजेक्शन, कोणी केली घोषणा?

Vidyut Jammwal : “दररोज पाच मिनिटे श्वासोच्छ्वासाचा व्यायाम करणे हे १० किलोमीटर धावण्याइतके फायदेशीर” अभिनेता विद्युत जामवालचा दावा; जाणून घ्या, तज्ज्ञ काय सांगतात