Disha Salian Case Hearing Highlights: सतीश सालियन यांच्या याचिकेवर आज सुनावणी

दिशा सालियानचे वडील सतीश सालियान यांचे वकील निलेश ओझा यांनी आजची सुनावणी पार पडल्यानंतर प्रसारमाध्यमांशी बातचीत केली. ते म्हणाले, या प्रकरणाची सुनावणी चुकून न्यायमूर्ती डेरे व न्यायमूर्ती रेवती मोहिते यांच्या खंडपीठासमोर लावण्यात आली होती. मी न्यायालयात नमूद केलं की हा खटला तुमच्याकडे नाही. महिलेविरोधातील गुन्ह्याचं हे प्रकरण न्यायमूर्ती सारंग कोतवाल यांच्या खंडपीठापुढे जायला पाहिजे. आता सारंग कोतवाल यांच्या खंडपीठापुढे या प्रकरणाची सुनावणी होईल. न्यायालयाने या खटल्याच्या नोंदीस परवानगी दिली आहे. खटल्याची पुढील तारीख अद्याप ठरलेली नाही. न्यायालयाने खूप लांबची तारीख दिली तर आम्ही लवकर सुनावणी व्हावी यासाठी विनंती करू.

सतीश सालियन यांनी २०२० मध्ये मुंबई पोलिसांना लिहिलेल्या पत्रात दिशा सालियनवर बलात्कार व नंतर तिची हत्या झाल्याचा दावा फेटाळत असल्याचं नमूद केलं होतं.

पीटीआयनं दिलेल्या वृत्तानुसार, पोलिसांच्या क्लोजर रिपोर्टमध्ये दिशा सालियन तिच्या मृत्यूआधी नैराश्यात होती, असं नमूद करण्यात आलं आहे. तिचे वडील सतीश सालियन यांच्याकडून पैशांचा चुकीच्या पद्धतीने वापर केला जात असल्याच्या कारणामुळे दिशा सालियन नैराश्यात होती, असं या अहवालात म्हटलं आहे.

दिशा सालियनचा मृत्यू झाला तेव्हा नेमकं काय घडलं होतं?

वाचा सविस्तर

सतीश सालियन यांनी या प्रकरणाची पूर्णपणे नव्याने चौकशी करण्याची मागणी याचिकेमध्ये केली आहे.

दिशा सालियनचे वडिल सतीश सालियन यांनी मुंबई उच्च न्यायालयात दाखल केलेल्या याचिकेवर आज सुनावणी होणार असून त्यांनी दिशाची आत्महत्या नसून हत्या असल्याचा दावा केला आहे.