परीक्षा MPSC ची, प्रश्न दारूचा; परीक्षेत विचारलं, “दारूला नाही कसं म्हणाल?”

एमपीएससीचे अजब प्रश्न

“राजपत्रित संयुक्त पूर्व परीक्षा २०२४” च्या पेपर दोन मध्ये मद्यपानासंदर्भातप्रश्न विचारण्यात आला आहे. “तुमच्या मित्रांना दारू पिणे आवडते आणि तुम्हाला ते मद्यपान करण्यास प्रभावित करत आहेत. जर तुम्हाला त्यांच्यासोबत जायचे नसेल आणि त्यांच्या अल्कोहोल सेवन करण्याच्या सवयीपासून स्वतःला बाहेर ठेवायचे असेल तर तुम्ही काय कराल?” या प्रश्नासाठी चार पर्यायही दिले गेले आहेत. पहिला पर्याय – मी माझ्या मित्रांना सांगेन की माझ्या पालकांनी मला दारू पिण्यास मनाई केली आहे. २) दारू पिण्यास नकार देईन. ३) फक्त तुमचे मित्र मद्यपान करतात म्हणून मद्यपान करेन. ४) नकार देईन आणि त्यांना खोटे बोलेल की तुम्हाला यकृताचा आजार आहे.

नक्की वाचा

ईव्हीएम हॅक करता येतं का? विरोधकांच्या आरोपांनंतर निवडणूक आयोगाने सांगितली मतमोजणीपर्यंतची सगळी प्रक्रिया

Ladki Bahin Yojna : लाडक्या बहिणींना २१०० रुपयांसाठी…

Sanjay Raut : “एकनाथ शिंदेंच्या रुसव्या-फुगव्यामागे दिल्लीतील महाशक्तीचा हात”, राऊतांच्या दाव्याने खळबळ; सत्ता स्थापनेचा तिढा वाढणार?

Ajit Pawar: शिंदेंची नाराजी अजित पवारांच्या पथ्यावर? अजित पवारांचा दिल्ली दौरा, ‘या’ खात्यावर केला दावा

Sachin Tendulkar Meet Vinod Kambli : सचिन भेटायला आला पण विनोद कांबळीला उभंही राहता आलं नाही, मैत्रीतला ‘तो’ क्षण राज ठाकरेही पाहातच राहिले!

देशातील रब्बी पेरण्या ४२८ लाख हेक्टरवर; जाणून घ्या, देशभरातील पीकनिहाय पेरणी क्षेत्र

डोनाल्ड ट्रम्प यांच्या विजयानंतर अमेरिकेतील महिलांचा लैंगिक संबंधास नकार; कारण काय? काय आहे 4B चळवळ?

हे वाचा >> MPSC मंत्र : राजपत्रित नागरी सेवा संयुक्त पूर्व परीक्षा: सीसॅट :निर्णयक्षमता व व्यवस्थापन कौशल्ये

या परीक्षेमार्फत अधिकारी निवडले जाणार आहेत. त्यामुळे अशा प्रश्नांची खरेच गरज आहे का? असा प्रश्न आता विद्यार्थी आणि शिक्षण क्षेत्रातील लोक उपस्थित करत आहेत. एमपीएससीच्या कार्यपद्धतीवर यानिमित्ताने आता टीका होऊ लागली आहे.

या प्रश्नाबरोबरच मुतखड्याच्या आजारासंबंधीही एक प्रश्न विचारण्यात आला आहे. दुषित पाणी प्यायल्यामुळे मूत्रपिंडाच्या त्रासाला सामोरे जावे लागल्यास आणि पाण्याचा अभ्यास करूनही स्वतःलाच हा आजार झाल्यास काय कराल? असा एक प्रश्न विचारण्यात आला आहे. हा प्रश्न आणि त्याला दिलेले पर्याय गोंधळात टाकणारे आहेत.

२५ ऑगस्टची परीक्षा रद्द झाली होती

महाराष्ट्र लोकसेवा आयोगाने (एमपीएससी) २५ ऑगस्टला होणारी राज्यसेवा पूर्व परीक्षा रद्द केली होती. परीक्षेची तारीख जाहीर न झाल्याने विद्यार्थी आता आक्रमक झाले होते. तारखेअभावी विद्यार्थ्यांचे संपूर्ण नियोजन कोलमडल्याने काहींनी आयोगाच्या अशा दिरंगाई विरोधात न्यायालयात जाण्याचा इशारा दिला होता. कृषी विभागातील पदांचा समावेश करण्यासाठी आयोगाने ही परीक्षा पुढे ढकलली होती. राज्य शासनाकडूनही आयोगावर परीक्षण पुढे ढकलण्यासाठी दबाव टाकण्यात आला होता. या संपूर्ण घटनाक्रमानंतर एक डिसेंबरला ही परीक्षा होणार आहे.