कोल्हापुरात पावसाची रिमझिम

महाबळेश्वर, पाचगणीत
पावसाची हजेरी
 महाबळेश्वर व पाचगणी येथे आज सकाळपासून पावसाने हजेरी लावली. आज सकाळपासून दिवसभर महाबळेश्वर येथे जोरदार पाऊस सुरू आहे. आज सकाळपासूनच पाऊस असल्याने वातावरणात गारवा आला. तर पाचगणी येथे आज हलक्या व मध्यम स्वरूपात पाऊस सुरू आहे. हाच पाऊस वाईच्या पश्चिम भागाकडे दुपापर्यंत सरकला होता. सायंकाळपर्यंत पाऊस सुरूच आहे. पावसाच्या आगमनाचे सर्वानीच स्वागत केले.

लांबलेल्या पावसाचे
साता-यात आगमन
अनेक दिवसांपासून आतुरतेने वाट पाहत असलेल्या पावसाने आज आगमन केले. सकाळपासून पावसाच्या हलक्या सरी वारंवार पडत होत्या. हा भिजपाऊस असाच पडत राहिला तर शेतांना संजीवनी ठरेल असे मत शेतकरीवर्गातून व्यक्त होत आहे.
जूनचा संपूर्ण महिना बिनपावसाचा गेला होता. धरणातील पाण्याची पातळीही कमी झाली होती. शेतीबरोबर पिण्याच्या पाण्याचे आणि जनावरांच्या चा-याचे प्रश्नही ऐरणीवर आले होते. आजपासून सुरू होणा-या पावसामुळे हे प्रश्न काही प्रमाणात सुटण्याची शक्यता आहे.