जळगाव जिल्हा दूध संघात झालेल्या गैरव्यवहाराबद्दल राष्ट्रवादी काँग्रेसचे आमदार एकनाथ खडसे आक्रमक झाले आहेत. संघात झालेल्या अपहार प्रकरणी गुन्हा दाखल करावा, या मागणीसाठी एकनाथ खडसे जळगाव पोलीस स्टेशनमध्ये आंदोलनाला बसले आहेत. मात्र, गुन्हा दाखल होत नसल्याने खडसेंनी अधिकाऱ्याला चक्क हात जोडून अधिकाऱ्याला उद्देशून मी तुमच्या पाया पडतो गुन्हा दाखल करा, अशी विनंती केली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

जळगाव जिल्हा दूध संघात एक ते दीड कोटी रुपयांचा अपहार झाल्याचा आरोप एकनाथ खडसे यांनी केला आहे. या प्रकरणात गुन्हा दाखल व्हावा, या मागणीसाठी खडसे काही तासांपासून जळगाव शहर पोलीस स्टेशनमध्ये निरीक्षकांच्या दालनात आंदोलनाला बसले आहेत.

आणखी वाचा

हेही वाचा – “माझा भाऊ कॉप्या करुन…”; मुख्यमंत्री शिंदेंचा ‘ढ’ असा उल्लेख करत सुषमा अंधारेंचा हल्लाबोल

एकनाथ खडसेंची गुन्हा दाखल करण्याची मागणी आहे. तर, दुसरीकडे कायदेशीर बाबीचे कारण पुढे करत पोलीस अधिकारी समजूत घालत आहेत. तसेच, चौकशी करुन गुन्हा दाखल करण्याचे आश्वासन पोलिसांनी दिले आहे. मात्र, खडसे त्यांच्या मागणीवर ठाम आहेत. मी मेलो तरी गुन्हा दाखल केल्याशिवाय जाणार नाही, असेही खडसेंनी ठणकावून पोलिसांना सांगितले आहे.

हेही वाचा – माझं पाच वर्षांचं बाळ आहे, मला कालपासून काही धोके जाणवताय – सुषमा अंधारेंचं पत्रकारपरिषदेत विधान!

दरम्यान, राजकीय दबावापोटी पोलीस गुन्हा दाखल करत नसल्याचा आरोप खडसेंनी केला आहे. पोलिसांनी रात्री १२ वाजता एकनाथ खडसेंचे निवेदन स्वीकारले. पण, गुन्हा दाखल न केल्याने खडसे रात्री पोलीस स्टेशनबाहेरच झोपले होते.