“काय खोटारडा माणूस आहे”, फडणवीसांच्या ‘त्या’ वक्तव्यावर एकनाथ खडसेंची प्रतिक्रिया

देवेंद्र फडणवीस हा खोटारडा माणूस आहे, अशी टीका एकनाथ खडसे यांनी केली. यावेळी त्यांनी फडणवीसांच्या एका जुन्या वक्तव्याची आठवण करून दिली. देवेंद्र फडणवीसांनी काही महिन्यांपूर्वी एका मराठी वृत्तवाहिनीला दिलेल्या मुलाखतीत राष्ट्रवादी काँग्रेसबरोबर युती करणार नाही, म्हणजे नाही… असं रोखठोकपणे सांगितलं होतं. पण आता देवेंद्र फडणवीसांनी राष्ट्रवादी काँग्रेसला सरकारमध्ये सामील करून घेतलं आहे.

आणखी वाचा

‘वंचित’कडून महाविकास आघाडी समर्थक विचारवंत लक्ष्य

Sharad Pawar : मविआचं सरकार आल्यास मंत्रिमंडळात कोण…

आनंद दिघेंच्या आश्रमात ज्यांनी चुकीचे कृत्य केले त्यांना……शिंदे सेनेच्या मंत्र्याने थेटच सांगितले…

पुण्यात कुत्र्याच्या टोळक्यांच्या हल्ल्यात चिमुकला गंभीर जखमी; चाकणमधील घटना

राहुल यांच्या वक्तव्यावरून आरोप-प्रत्यारोपांच्या फैरी

बुलढाणा जिल्ह्यात सत्ताधारी, विरोधकांमध्ये आरोप-प्रत्यारोपांच्या फैरी

आमदार देवेंद्र भुयार यांची ‘लाडक्या बहिणीं’वर दादागिरी; भाजप नेत्याचा गंभीर आरोप

कलाकारण: जुन्या कलेच्या (आणि व्यवस्थेच्याही) चिंध्या…

हेही वाचा- “थोडं भरकटलो होतो, आता ती चूक…”, ठाकरे गटात प्रवेश करताच शिवसेनेच्या माजी खासदारानं मागितली माफी

या राजकीय घडामोडीवरून एकनाथ खडसे यांनी देवेंद्र फडणवीसांवर टीकास्र सोडलं. जळगाव येथे प्रसारमाध्यमांशी संवाद साधताना एकनाथ खडसे म्हणाले, “भाजपाकडे १०५ आमदार आहेत आणि एकनाथ शिंदे गटाकडे ४०-४२ किंवा ५० आमदार (शिंदे गट+अपक्ष आमदार) आहेत. म्हणजेच सरकार बहुमतात आहे. असं असताना बाकीच्यांना महायुतीत नेण्याची काही आवश्यकता नव्हती. देवेंद्र फडणवीसांनी सांगितलं होतं की, राष्ट्रवादी काँग्रेसबरोबर युती नाही… नाही… नाही… एकवेळ ते लग्न न करणं पसंत करतील. अविवाहित राहणं पसंत करतील. पण राष्ट्रवादी काँग्रेसशी युती करणार नाही, असं ते बोलले होते. काय खोटारडा माणूस आहे, लगेच बदलले.”