एकनाथ खडसे आणि अमित शाहांची भेट? भाजपा प्रवेशाच्या चर्चांना उधाण; खडसे फडणवीसांचं नाव घेत म्हणाले, “हे जेव्हा गोधडीत…”

एकनाथ खडसे यांनी अमित शाहांना भेटण्यासाठी गेल्याची माहिती खरी असल्याचं सांगतानाच अमित शाह आणि पंतप्रधान नरेंद्र मोदींबरोबर आपले मागील अनेक वर्षांपासून चांगले वैयक्तिक संबंध असल्याचं म्हटलं आहे. “अमित शाहांना एकदा भेटलो नाही याआधी पण भेटलो आहे. देवेंद्रजींनाही भेटलो आहे आणि या पुढेही भेटणार आहे. शहांना भेटू नये असा नियम आहे. हे जेव्हा गोधडीत होते तेव्हापासून माझे संबंध आहेत,” असं उत्तर खडसे यांनी दिलं आहे.

आणखी वाचा

‘खंडणीच्या आड आल्याने देशमुख यांची हत्या’; युक्तिवादात विशेष तपास पथकाचा संशय

Shiv Sena : महाराष्ट्राला लवकरच तिसरा उपमुख्यमंत्री मिळणार,…

‘कहो ना प्यार है’नंतर राकेश रोशन यांच्यावर झालेला गोळीबार; अंडरवर्ल्डचा होता संबंध, खुलासा करत दिग्दर्शक म्हणाले, “हृतिकने त्यांच्या पैशातून…”

Vinod Tawade : “पवारांनी दाऊदच्या हस्तकांना हेलिकॉप्टरमधून प्रवास घडवला”; विनोद तावडेंचा गंभीर आरोप!

संक्रातीच्या मुहूर्तावर ‘अमृत स्नान’; नागा साधूंना पहिला मान; त्रिवेणी संगमावर भाविकांचा महापूर

सुतारकाम करताना तरुण अचानक लोखंडी खिळा गिळतो तेव्हा…

Nana Patole : “बीड, परभणीच्या घटना सरकार प्रायोजित”, नाना पटोलेंनी सांगितले घटनांमागील…

Sharad Pawar : शरद पवारांचं अमित शाह यांना उत्तर, “१९७८ मध्ये मी महाराष्ट्राचा मुख्यमंत्री होतो तेव्हा हे गृहस्थ…..”

नक्की वाचा >> शिवाजी पार्कवर ठाकरेंचाच मेळावा : राज ठाकरेंच्या मनसेची पहिली प्रतिक्रिया; मैदानाचा उल्लेख करत म्हणाले, “वारसा मैदानाचा…”

एकाच घरामध्ये दोन पदं असल्याच्या मुद्द्यावरुन होणाऱ्या टीकेलाही खडसेंनी उत्तर दिलं आहे. “एका घरात दोन पदं दोन पद आहेत ते वेगवेगळ्या पक्षांच्या आहेत. तरी त्याला काय झालं?” असा प्रश्न खडसेंनी विचारला. तसेच खडसेंनी भाजपाच्या गिरीश महाजनांपासून अनेक नेत्यांची नावं घेत त्या नेत्यांच्या घरातही दोन व्यक्तींकडे वेगवेगळी पदं असल्याचं नमूद केलं. “राजकारणात ज्यांच्यात निवडून यायची क्षमता असेल ते येतात. क्षमता नसेल त्याला पराभूत करते,” असंही खडसे म्हणाले.

नक्की वाचा >> “मुख्यमंत्री शिंदेंनी शिवाजी पार्कवर मेळावा घेतला असता तर…”; ठाकरेंना परवानगी मिळाल्यावर शिंदे गटाकडून दावा

तर या भेटीसंदर्भात विचारलं असता खडसे यांच्या कन्या रक्षा खडसे यांनी, “त्या दिवशी आम्ही गेलेलो भेटीसाठी. मात्र त्यांच्या (अमित शाहांच्या) व्यस्त कार्यक्रमामुळे भेट होऊ शकली नाही. मात्र फोनवर खडसे आणि शाह यांची चर्चा झाली,” असं प्रसारमाध्यमांशी बोलताना सांगितलं. तसेच खडसे भाजपामध्ये जाणार का यासंदर्भात विचारलं असता रक्षा खडसेंनी, “लोकांना चर्चा करायची ते करणार ते भाजपामध्ये येण्याची कल्पना नाही. मी भाजपात आहे ते राष्ट्रवादीत आहेत,” असं रक्षा खडसे यांनी सांगितलं.