“शिंदे आणि अजित पवार गटाचे उमेदवार दिल्लीतून…”, संजय राऊत यांचे मोठे विधान

हे वाचा >> “मला सत्तेचा मोह कधीच नव्हता, मी केवळ…”, एकनाथ शिंदेंनी सांगितली मनातली खदखद

२२ जानेवारी रोजी अयोध्येत दिवाळी साजरी करण्याचे आवाहन करण्यात आले आहे, परंतु आम्ही मात्र अयोध्येत न जाता नाशिक येथे उद्धव ठाकरे यांच्या उपस्थितीत राम मंदिरासाठी लढा देत असताना शहीद झालेल्या सर्वच स्तरातील हुतात्म्यांना अभिवादन करणार असल्याचेही संजय राऊत यावेळी म्हणाले. उद्धव ठाकरे यांच्या उपस्थितीत काळाराम मंदिर येथे दर्शनानंतर गोदातीरावर महाआरतीचे देखील आयोजन करण्यात आले असल्याचे देखील राऊत यांनी स्पष्ट केले आहे.

त्या लोकांना पक्षात घेणार नाही

“आगामी निवडणुकांच्या पार्श्वभूमीवर स्वगृही परतणाऱ्या इच्छुकांना पक्षात पुन्हा घेणार नसल्याची स्पष्ट भूमिका राऊत यांनी व्यक्त केली. पक्षातून सोडून गेलेल्या लोकांना आम्ही उमेदवारी दिल्याचा पश्चाताप होत असल्याची खंतही राऊत यांनी बोलताना व्यक्त केली.

आणखी वाचा >> काँग्रेसला ठाकरे गटापेक्षा अधिक जागा हव्यात? संजय राऊत म्हणाले, “आम्ही आधीच सांगितलंय…”

जागावाटपाबाबत बोलत असताना संजय राऊत यांनी आपल्या जुन्या भूमिकेलाच पुन्हा मांडले. आकडा वाढवायचा म्हणून आम्ही निवडणुका लढणार नाही अशी भूमिका महाविकास आघाडीतर्फे घेतली जाणार असल्याचे त्यांनी स्पष्ट केले. राज्यातील जवळपास २३ जागांवर शिवसेना ही कायम लढत आली असून २३ मतदारसंघांमध्ये शिवसेनेची पकड कायम आहे. परंतु जिंकलेल्या १८ जागा आमच्या कायम राहतील, असा विश्वास देखील राऊत यांनी धुळ्यात घेतलेल्या पत्रकार परिषदेत व्यक्त केला आहे.

गिरीश महाजन यांनी पुढील काही दिवसात मोठा राजकीय भूकंप होईल, असे वक्तव्य केले होते. यावर बोलत असताना राऊत म्हणाले की, या भूकंपात तेच गाडले जातील, अशा शब्दात गिरीश महाजन यांच्या वक्तव्याला प्रत्युत्तर दिले.