Eknath Shinde Dasara Melava 2023 Updates in Marathi : शिवसेना संस्थापक हिंदुहृदयसम्राट बाळासाहेब ठाकरे यांनी ३० ऑक्टोबर १९६६ साली शिवसेनेचा पहिला दसरा मेळावा शिवाजी पार्कात आयोजित केला होता. या पहिल्याच दसरा मेळाव्यात अभूतपूर्व गर्दी लोटली होती. विचारांचं सोनं लुटण्याकरता आणि शिवसेनेच्या वर्षभराच्या कार्यक्रमाची रुपरेषा जाणून घेण्याकरता शिवसैनिक शिवाजी पार्कवर येत असत. बाळासाहेब ठाकरे यांच्या पश्चात उद्धव ठाकरे यांनी ही परंपरा सुरू ठेवली. परंतु, गेल्यावर्षी जून महिन्यात शिवसेनेत बंडखोरी झाली. परिणामी शिवसेना दोन गटात विभागली गेली. विभागलेल्या दोन्ही गटांनी शिवाजी पार्कवरील दसरा मेळाव्यावर हक्क दाखवला. शिवाजी पार्कमध्ये दसरा मेळाव्याच्या परवानगीचं प्रकरण थेट उच्च न्यायालयापर्यंत गेलं होतं. परंतु, यंदा शिंदे गटाने संभाव्य वाद टाळत त्यांचा मेळावा आझाद मैदान येथे आयोजित करण्याचं ठरवलं आहे. पुढच्या काहीच तासांत आझाद मैदानातून एकनाथ शिंदे यांची तोफ धडाडणार आहे. त्यांच्या या भाषणातील महत्त्वाचे मुद्दे, विरोधकांवर केलेली टीका, शिंदे गटातील विविध नेते-पदाधिकाऱ्यांचं संभाषण जाणून घेऊयात.
Azad Maidan Eknath Shinde Dasara Melava 2023 , 24 October 2023 : आझाद मैदानावर धडाडणार मुख्यमंत्री एकनाथ शिंदेंची तोफ
इंडिया आघाडी या दहा तोंडी रावणाचं दहन केल्याशिवाय राहणार नाही. महाराष्ट्रात ४८ पैकी ४५ जागा आपण देणार आणि मोदींना बळकटी देणार. बाळासाहेब म्हणाले होते की एकदिवस मला पंतप्रधान बनवा, मी राममंदिर बांधतो आणि कश्मीरमधील ३७० कलम हटवतो. आता मोदींनी राम मंदिर बांधलं आणि काश्मीरमधील ३७० कलम हटवलं. मोदींनी मंदिरही बनवलं आणि तारीखही सांगितली आणि आपल्या सर्वांना उद्घाटनाला जायचं आहे. विरोधक कोणत्या तोंडाने जातील माहीत नाही. मोदींच्या हात बळकट करण्यासाठी महाराष्ट्र त्यांच्यापाठीमागे उभा राहील, असंही एकनाथ शिंदे म्हणाले.
सर्वसामान्य मराठा कुटुंबातील आहे. मला त्यांचे दुःख वेदना कळतात. मलाही त्यांची जाणीव आहे. आपली समिती, जस्टिस शिंदे यांची समिती 24*7 काम करतेय. पुनर्विचार याचिका दाखल करून घेतला आहे. एक विंडो ओपन झाली आहे. कोणावरही अन्याय न करता कोणाचंही काढून न घेता, मराठा समाजाला टिकणारं आरक्षण हे सरकार देणार म्हणजे देणार. या एकनाथ शिंदेच्या शरीरामध्ये रक्ताचा थेंब असेपर्यंत मराठा समाजासाठी लढणार.
शिवरायांची शपथ घेऊन सांगतो, त्यांच्या समोर जाऊन नतमस्तक होतो, मी आपल्याला विनंती करतो की टोकाचं पाऊल उचलू नका. आत्महत्या करू नका, आपल्या कुटुंबाला वाऱ्यावर सोडू नका. आपल्या मागे असलेल्या मुलाबाळांचा विचार करा.
एकनाथ शिंदेंचा मुख्यमंत्रीपद अडचणीत आणू. पण मला गोरगरिब जनतेपेक्षा हे मुख्यमंत्री पदमहत्त्वाचं नाही. म्हणून राज्यातील प्रत्येक समाज घटकाला आपल्याला पुढे न्यायचं आहे. त्यांना न्याय द्यायचा आहे. यासाठी आपल्याला डबल इंजिनचं सरकार आवश्यक आहे - एकनाथ शिंदे
मी जीवाची पर्वा न करता काम करतो. इरशाळगडावर जाऊ नका असं सगळे म्हणाले होते. उन, वारा, पाऊस सगळे आहे. वर आपलं एनडीआरएफ गेले होते. अत्यावश्यक सेवेचे लोक गेले होते. मृतांचे नातेवाईक होते. एकनाथ शिंदे चिखल तुडवत वर गेले. तुम्ही आलात व्हॅनिटी व्हॅनमध्ये बसलात आणि निघून गेलात. २६ जुलै २००५ च्या महापुरात वांद्र्यात सगळीकडे पाणी भरलं होतं. बाळासाहेबांना एकट्याला सोडून तुम्ही फाईव्ह स्टार हॉटेलमध्ये गेला होतात. बाळासाहेबांना पाण्यात सोडून गेलात. तुम्ही बाळासाहेबांचे होऊ शकत नाहीत, मग तुमचे आमचे काय होऊ शकणार, हा विचार करण्याची आवश्यकता आहे. त्यांना ज्यांचा काटा काढायचा असतो त्यांचा ते काढतात.
राज ठाकरे एवढी मेहनत करतायत, त्यांच्याबद्दल दोन शब्द चांगले बोलले, त्यामुळे दिघे साहेबांचे पंख छाटण्याचं काम सुरू झालं. दिघेंचा अपघात झाल्यानंतर बघायला आले नाहीत, अंत्ययात्रेला आले नाहीत. सर्वांत मोठी समाधी बांधली, त्या समाधीलाही आले नाहीत. मी जेव्हा गेलो तेव्हा मला विचारलं की आनंद दिघेंची प्रॉपर्टी कुठे कुठे आहेत. अरे तो फकीर आहे, त्याची काय प्रॉपर्टी असणार? - एकनाथ शिंदे
माझी आई मृत्यूशय्येवर होती. तेव्हा लोकसभा निवडणुकांसाठी गावितांचा प्रचार करायला जवारला गेलो होते. जवारला घाट चढत असताना मला डॉक्टरांचा फोन आला. डॉक्टर मला म्हणाले लगेच या. मी डॉक्टरांना येतो म्हणालो. मी सगळं आटोपून ९ वाजता पोहोचलो. माझ्या आईचा मृत्यू झाला होता. हे कटूसत्य मला माहित होतं. हा शब्द गावितांना दिला हा काय माझा गुन्हा आहे. ही माझी चूक आहे - एकनाथ शिंदे
आताही टोमणे सभा सुरू असेल - एकनाथ शिंदे
त्यांनी दसरा मेळावा शिमग्याला घ्यायला पाहिजे - एकनाथ शिंदे
रक्ताचं नातं सांगण्याऱ्यांनी बाळासाहेबांच्या विचारांचा गळा घोटला. त्यांची बांधिलकी फक्त पैशांशी. त्यांनी कोणतीही सीमा ठेवली नाही. निर्लज्जपणाचे कळस गाठले. आपल्याला शिवसेना आणि धनुष्यबाण अधिकृतपणे दिल्यानंतर शिवेसनेच्या खाचत्यातील ५० कोटी रुपये बँकेकडे मागितले. बँकेने नकार दिला. बँक म्हणाली निवडणूक आयोगाने शिवसेना एकनाथ शिंदेना दिली आहे. त्यांनी निर्लज्जपणे पत्र पाठवले. तुम्ही आमच्यावर ५० खोक्यांवर आरोप करता आणि ५० खोके आमच्याकडे मागता. या एकनाथ शिंदेंनी क्षणाचाही विलंब न लावता ५० कोटी द्यायला लावले. मीसांगितलं यांचं प्रेम बाळासाहेब, विचारांवर नाही. पण खोके आणि ओके मी बोलणार नाही. कारण खोके त्यांना पुरत नाहीत. त्यांना जवळून ओळखणारे म्हणाले की यांना खोके चालत नाही, यांना कंटेनर पाहिजे. त्याचा साक्षीदार माझ्यापेक्षा दुसरा कोण असू शकतो.योग्य वेळेला बोलेन - एकनाथ शिंदे
अब्दुल सत्तार कार्यकर्त्यांमध्ये बसला आहे. ही आमची शिवेसना आहे. सत्ता, खुर्चीसाठी आम्ही तडजोड केली नाही आणि करणार नाही. म्हणून अब्दुल सत्तार मंत्रिमंडळात मंत्री आहे. स्वतः एसटी गाडीत बसून कार्यकर्त्यांसोबत आले आणि कार्यकरत्यांसोबत बसले - एकनाथ शिंदे
आजचा शिवसेनेचा दसरा मेळावा आझाद मैदानावर होतोय. आझाद मैदानालाही इतिहास आहे. कालपासून गाड्या दसरा मेळाव्यासाठी येत आहेत - एकनाथ शिंदे
बाळासाहेबांनी दसरा मेळाव्यातूनच गर्व से कहो हिंदू है चा नारा दिला. तिथूनच हिंदुत्त्वाची लाट पसरली आणि हिंदुत्त्वाचा जयघोष होऊ लागला - एकनाथ शिंदे
आपला पक्ष काँग्रेसमध्ये विलीन करतील यात आश्चर्य वाटालयाल नको. त्या पापात आपण सहभागी नाही हे समाधान आहे. बाळासाहेब ज्यांना गाडायची भाषा करायचे त्यांना हे डोक्यावर घेऊन फिरत आहेत.
रामाच्या बाणाने रावणाचा वध झाला - मुख्यमंत्री एकनाथ शिंदे
आम्हाला अभिमान आहे की मुख्यमंत्री ठाण्याचे आहेत. धर्मवीर आनंद दिघे यांच्या तालमीत एकनाथ शिंदे वाढले आहेत. तमाम शिवसैनिकांची गर्दी पाहिली की समजते की खरी शिवसेना आमच्याकडे आहे. जे निष्ठा निष्ठा करत होते त्यांनी विष्ठा खाल्ली आहे. आणि इतर पक्षांना एकत्र घेऊन दसरा मेळावा साजरा करत आहेत - मीनाक्षी शिंदे, माजी महापौर, ठाणे महानगरपालिका
* उद्धव ठाकरेंचे वक्ते
संजय राऊत, विनायक राऊत,भास्कर जाधव, अंबादास दानवे, अरविंद सावंत, सुषमा अंधारे, किशोरी पेडणेकर
* शिंदेंचे वक्ते
दीपक केसरकर, गुलाबराव पाटील, उदय सामंत, शंभूराज देसाई
ठाणे : शिवसेनेच्या दोन्ही गटाच्या दसरा मेळाव्यासाठी मंगळवारी हजारोंच्या संख्येने शिवसैनिक रेल्वेगाड्यांनी, खासगी वाहनाने दसरा मेळाव्यासाठी मुंबईच्या दिशेने रवाना झाले. ढोल-ताशांच्या गजरात दोन्ही गटांकडून घोषणाबाजी करत शक्तीप्रदर्शन करण्यात आले.
सांगली : शिवसेना शिंदे गटाच्या दसरा मेळाव्यास निघालेल्या कार्यकर्त्यांच्या मोटारीला कवठेमहांकाळ तालुक्यात अपघात होऊन एक जण ठार तर चौघे जखमी झाले आहेत. रत्नागिरी-नागपूर महामार्गावर मंगळवारी पहाटे साडेचार वाजण्याच्या सुमारास ही दुर्घटना घडली.
मुंबई : शिवसेनेच्या उद्धव ठाकरे गटातील आणखी एक माजी नगरसेवक विलास चावरी यांनी मुख्यमंत्री एकनाथ शिंदे यांच्या पक्षात प्रवेश केला. दसरा मेळाव्याच्या पूर्वसंध्येलाच वांद्रे विधानसभेतील माजी नगरसेवक फोडण्याचा मुहूर्त साधत शिंदे गटाने उद्धव ठाकरे यांना धक्का देण्याचा प्रयत्न केला आहे. चावरी यांच्यासह खारदांडा परिसरातील कोळी बांधवांनी शिंदे यांच्या शिवसेनेत प्रवेश केला आहे.
आवाज शिवसेनेचा आणि मैदानही शिवसेनाच मारणार - मनिषा कायंदे
Azad Maidan Eknath Shinde Dasara Melava 2023, 24 October 2023 : आझाद मैदानावर धडाडणार मुख्यमंत्री एकनाथ शिंदेंची तोफ
