शिंदेंच्या शिवसेनेतील नेते नरेश मस्के यांनी सोमवारी ( १३ नोव्हेंबर ) दिवाळी पहाट कार्यक्रमाचं आयोजन केलं होतं. येथे 'आई कुठे काय करते' आणि 'महाराष्ट्राची हास्यजत्रा' या कार्यक्रमातील कलाकारांनी हजेरी लावली होती. मुख्यमंत्री एकनाथ शिंदे हेही कार्यक्रमाला उपस्थित होते. यावेळी मुख्यमंत्र्यांनी दोन्ही मालिकेतील कलाकारांचं कौतुक केलं आहे. तेव्हा अभिनेते समीर चौगुलेंनी म्हटलं, 'ज्येष्ठ अभिनेते अमिताभ बच्चन माझे चाहते ( फॅन ) आहेत.' यावर मुख्यमंत्री शिंदे समीर चौगुलेंना म्हणाले, 'मी सुद्धा तुमचा चाहता ( फॅन ) आहे.' हेही वाचा : “भ्रमिष्ट, गद्दार, बेईमान अन्…”; गजानन कीर्तिकरांवर टीका करताना रामदास कदमांची जीभ घसरली मुख्यमंत्र्यांनी म्हटलं, "कधी अचानक घरी आल्यावर हास्यजत्रा कार्यक्रम चालू असतो. तेव्हा थोडावेळा का होईना मी तो कार्यक्रम पाहतो. राज्यकारभार करताना कधी काय होईल आणि कधी काय कोण बोलेल, सांगू शकत नाही. त्यामुळे आम्ही गॅसवर असतो. तारेवरची कसरत करावी लागते." हेही वाचा : अमित शाह अन् अजित पवारांची दिल्लीत भेट, जयंत पाटील म्हणाले, “मला खात्रीय की…” "करोनाकाळात सगळ्यांनी चांगलं काम केलं आहे. आपलं सरकार आल्यानंतर करोना पळून गेला. मी एकही बैठक घेतली नाही. मी बैठका घेत बसलो असतो, तर करोनाचा बाऊ झाला असता. काही लोकांना तो हवा होता," असा टोला मुख्यमंत्र्यांनी उद्धव ठाकरेंना लगावला आहे.
