सोलापूर जिल्हा परिषदेत कर्मचाऱ्यांचे काळ्या फिती लावून आंदोलन अन् घंटानाद

जुनी पेन्शन, वेतन त्रुटी व पदोन्नतीमधील स्तर कमी करणे इत्यादीबाबत शासन पातळीवर हेतूतः दुर्लक्ष व उदासीनता असल्याने त्याकडे शासनाचे लक्ष वेधण्यासाठी संघटनेने आंदोलन सुरू केले आहे.

जिल्हा परिषदेसमोर कर्मचारी युनियनच्या सोलापूर शाखेच्यावतीने घंटानाद करण्यात आला. प्रलंबित मागण्यांचे निवेदन निवासी उपजिल्हाधिकारी मनीषा कुंभार व जिल्हा परिषदेचे मुख्य कार्यकारी अधिकारी कुलदीप जंगम यांना देण्यात आले. यावेळी संघटनेचे विभागीय संघटक डॉ. शत्रुघ्नसिंह माने जिल्हाध्यक्ष, तजमुल मुतवल्ली सचिव विलास मसलकर, निर्मला राठोड, बसवराज दिंडोरे, स्वाती स्वामी, संतोष शिंदे, मृणालिनी शिंदे, आरती माढेकर, दयानंद परिचारक, रफिक शेख आदी उपस्थित होते.