मराठा समाजाचं सर्वोच्च न्यायालयात घोंगडं भिजत पडलं आहे. यावर लवकरात लवकर निर्णय व्हावा, मराठा समाजातील तरुणांना न्याय मिळावा याकरता मनोज जरांगे पाटील यांनी ऑगस्ट महिन्यात आमरण उपोषण सुरू केले. परंतु, या उपोषणाला शुक्रवारी वेगळं वळण लागलं. पोलिसांकडून झालेल्या लाठीमारामुळे राज्यभर गदारोळ निर्माण झाला आहे. यामुळे मराठा समाजातील लोक आणखी पेटून उठले आहेत. दरम्यान, हे उपोषण मागे घ्यावं याकरता सरकारकडून प्रयत्न सुरू आहेत. यासाठी सरकारचा प्रस्ताव घेऊन खुद्द ग्रामविकास मंत्री गिरीश महाजन उपोषणस्थळी दाखल झाले. त्यांच्यासोबत नितेश राणेही उपस्थित होते. या दोघांनीही मनोज जरांगे पाटील यांच्यासोबत चर्चा केली. परंतु, मी मेलो तरी चालेल पण पाच कोटी मराठा समाजाला न्याय मिळाला पाहिजे, अशी भूमिका मनोज जरांगे पाटील यांनी घेतली आहे. त्यामुळे मराठा आरक्षणासंदर्भातील सरकारची आजची चर्चा निष्फळ ठरली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
