“अतिशय निर्लज्ज, विकृत, बेताल…”, संभाजी भिडेप्रकरणी विधान परिषेदत विरोधकांचा गदारोळ; फडणवीस म्हणाले…

भाई जगताप म्हणाले, “शिवप्रतिष्ठान संस्थेचा एक स्वयंघोषित, एक विकृत माथेफिरू माणूस आहे. त्याचं नाव मनोहर कुलकर्णी. त्याला स्वतःचं नाव लावण्याचीही लाज वाटते. तो संभाजी भिडे या नावाने आज या संस्थेचा प्रमुख म्हणून वावरतो. अतिशय निर्लज्ज, विकृत, समाजात तेढ निर्माण करणारा माणूस ज्या पद्धतीने वक्तव्य करत आहे, त्यामुळे देशाचे आणि राज्याचं नाव खराब होतंय”, अशी टीका भाई जगताप यांनी केली.

आणखी वाचा

अभिनेता हेमंत ढोमेच्या कुटुंबात आली नवीन सदस्य, नाव आहे खूपच खास

Sushma Andhare : “माझी प्रिय भावजय” म्हणत सुषमा…

Sanjay Bangar Son: भारताच्या माजी क्रिकेटपटूच्या मुलाची हार्माेन रिप्लेसमेंट थेरपी, आर्यनने नावही बदललं, VIDEO केला शेअर

बाजाराचा तंत्र-कल : शेअर बाजाराला बाळसं की सूज?

Congress : बंडखोरांविरोधात काँग्रेस अ‍ॅक्शन मोडवर, मतदानाच्या १० दिवस आधी १६ जण निलंबित

रामदास आठवले भाजपला सांभाळणार की रिपब्लिकन कार्यकर्त्यांना?

“ही गाडी म्हणजे माझी लक्ष्मी…”, सूरज चव्हाणकडे आहे खास KGF Bike! कोणी दिलीये भेट? म्हणाला…

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

हेही वाचा >> “संभाजी भिडे गुरुजी हिंदुत्वासाठी…”, विधानसभेत विरोधकांनी अटकेची मागणी केल्यानंतर देवेंद्र फडणवीसांचं वक्तव्य

“महात्मा गांधींबद्दल या देशात आणि जगात लौकिक आहे. संपूर्ण जग ज्यांच्यासमोर नतमस्तक होतं, अशा माणसाबद्दल अनुद्गार काढण्यात आले आहेत, त्यासंदर्भात आज सभागृहात चर्चा होणे गरजेचं आहे. हा माणूस बेताल आणि विकृत आहे. या माणसाने देशाच्या स्वातंत्र्याबद्दलही असे अपशब्द काढले आहेत. हा माणूस डोक्यावर गांधी टोपी घालतो आणि या सडलेल्या डोक्यात अशा पद्धतीचे विकृत विचार येतात. राज्यभर त्याच्याविरोधात राण उठलेले आहे. छत्रपतींचा महाराष्ट्र म्हणून या ठिकाणी चर्चा होणे गरजेचे आहे. पाच ठिकाणी त्याच्याविरोधात केसेस नोंदवल्या गेल्या आहेत. आतापर्यंत कारवाई झाली नाही. त्याला तात्काळ अटक व्हायला हवी होती, चार दिवस हा बेताल माणूस एसी गाड्यातून फिरतोय. लाज वाटतेय या महाराष्ट्रात. या विकृत माणसाला पाठिशी घालण्याचा प्रयत्न का केला जातोय? याची चर्चा होणे गरजेच आहे. त्याचा बोलवता धनी कोण, हे सर्व कोण करतंय, हे सुद्धा महाराष्ट्राच्या लोकांसमोर येणं गरजेचं आहे. महाराष्ट्राच्या लौकिशाशी निगडीत हा विषय आहे , असं भाई जगताप यांनी मांडलं.

दरम्यान, “या विषयावर विधानसभेत चर्चा झाली असून विधान परिषदेतही देवेंद्र फडणवीस निवेदन सादर करतील. त्यांच्या निवदेनाने जर समाधान नाही झाले तर तुम्ही तुमचा प्रश्न मांडू शकता”, असं विधान परिषदेच्या उपसभापती नीलम गोऱ्हे म्हणाल्या. मात्र, या विषयावर तातडीने चर्चा घेण्यावर भाई जगताप ठाम राहिले. त्यामुळे विधान परिषदेतील इतर विरोधी पक्षातील आमदारांनाही याविषयी आवाज उठवला. विरोधकांनी सभागृहात गोंधळ घातल्याने अखेर नीलम गोऱ्हे यांना सभागृह स्थगित करावे लागले. दहा मिनिटांनी पुन्हा कामकाज सुरू झाल्यानंतर देवेंद्र फडणवीसांनी सभागृहात संभाजी भिडेप्रकरणी निवेदन सादर केले.

देवेंद्र फडणवीस काय म्हणाले?

“कुराण अँड द फकीर या १९२ पानी पुस्तकात विसाव्या प्रकरणात हा वादग्रस्त भाग आहे. त्याचे वाचन केल्याचे व्हिडीओत दिसते. याप्रकरणी अमरावती बाजारपेठ पोलीस ठाण्यात याप्रकरणी १५३ अ, ५००, ५०५ (२), ३४, मकोकासह २९ जुलै रोजी संभाजी भिडे आणि अन्य दोन व्यक्तींविरुद्ध गुन्हा दाखल झाला आहे”, अशी माहिती फडणवीसांनी दिली.

ठसंभाजी भिडे यांना सीआरपीसीच्या कलम ४१ अ अंतर्गत नोटीस पाठवली आहे. पोलिसांनी संभाजी भिडे यांच्याशी संपर्क साधला आहे. तसेच त्यांनी नोटीस स्वीकारली आहे. याप्रकरणी त्यांची चौकशी होईल. अमरावतीतल्या त्यांच्या सभेचा व्हिडीओ उपलब्ध नाही. त्याचबरोबर समाजमाध्यमांवर जे व्हिडीओ फिरत आहेत, ते निरनिराळ्या ठिकाणचे व्हिडीओ आहेत. त्या व्हिडीओंचे व्हॉईस सॅम्पल्सही तपासले जातील आणि याप्रकरणी कारवाई होईल. एका माध्यमाने अन्य व्हॉइस क्लिप दाखवली आहे, तिथे दोन वेगवेगळे आवाज येत आहेत. ते पडताळून पाहण्यात येणार आहे”, असंही ते म्हणाले.

देवेंद्र फडणवीस म्हणाले, “संभाजी भिडे गुरुजी हे हिंदुत्वासाठी काम करतात. ते छत्रपती शिवाजी महाराजांशी आणि त्यांच्या किल्ल्यांशी बहुजनांना जोडण्याचं काम करतात. हे त्यांचं कार्य चांगलं आहे. परंतु, त्यांना महापुरुषांबद्दल अशा प्रकारची वक्तव्ये करण्याचा अधिकार कोणीही दिलेला नाही. त्यांनाच काय, दुसऱ्या कोणालाही अशा प्रकारचा अधिकार नाही. महापुरुषांबद्दल अशा प्रकारे वक्तव्ये केली तर कारवाई होईल.”