कराड : आगाशिव डोंगरावरील बौध्दकालीन लेण्यांजवळ अज्ञात समाजकंटकांनी भरउन्हात वणवा लावला. यात चार एकरातील वनसंपदा जळाली. पण, वनाधिकाऱ्यांसह परिसरातील लोकांनी अथक प्रयत्नांतून वणवा विझवला आणि त्यांच्या प्रसंगावधानामुळे सुदैवाने लेण्यांना वणव्याची झळ पोहोचली नाही व वनसंपदेची प्रचंड मोठी होणारी हानीही टळली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आगाशिव डोंगराला लागलेला हा पहिलाच वणवा असल्याचे परिसरातील लोक सांगतात. आगाशिव डोंगरावर लेण्यांच्या परिसरात अचानक वणवा लागल्याचे जवळच शेतात काम करत असलेल्या कृषिभूषण प्रा. संजय थोरात यांच्या निदर्शनास आले. यावर त्यांच्यासह तेथील लोकांनी घटनास्थळाकडे धाव घेऊन भडकत्या आगीला विझवण्याचा धोका पत्करून रौद्ररूप धारण करण्यापूर्वीच वणवा शमवला. शेतीमित्र अशोकराव थोरात, लक्ष्मण पवार, वन विभागाचे आनंद जगताप, वनपाल हनुमंत मिठारे आदींनी डोंगरमाथ्यावर पसरलेला हा वाणवा विझवण्यासाठी हवेचे मशीन, झाडांच्या फांद्या आदींचा वापर करून तीन तासांच्या अथक प्रयत्नांतून ही आग आटोक्यात आणली. 

आणखी वाचा

हेही वाचा >>> राज्यातील सत्ताबदलावर अजित पवारांचे विधान, म्हणाले “एकनाथ शिंदेंच्या मनात आले आणि…”

यानंतर अशोकराव थोरात माध्यमांशी बोलताना म्हणाले की, डोंगरपायथ्याच्या निसर्गप्रेमींनी फावल्या वेळेत वनसंपदेचे रक्षण करावे. वणवा लावणाऱ्या समाजकंटकांना प्रतिबंध करताना वनखाताच्या चांगल्या कामाला सहकार्य केले पाहिजे. वनाधिकारी तुषार नवले यांनी पावसाळ्यात प्रयत्नपूर्वक लावलेली रोपे व बीजारोपण, बीज गोळे या माध्यमातून उगवलेल्या छोट्या रोपांची वणव्यात राखरांगोळी झाल्याची खंत व्यक्त केली. आगाशिव डोंगरावर पुरातन संपत्ती आहे. ती नष्ट होऊ नये म्हणून पुरातत्व विभागाच्या कर्मचाऱ्यांनीही लक्ष ठेवणे गरजेचे असल्याचे ते म्हणाले. अविचाराने हवा, पाणी, जंगल, जमीन यांची मानवाने हानी केल्याने हवामानात बदल होत आहेत. त्यामुळे आगाशिव डोंगरावर येणाऱ्या पर्यटकांनी वणवा लागू नये, याची काळजी घेतली पाहिजे असे आवाहन नवले यांनी या वेळी केले.

आगाशिव डोंगराला लागलेला हा पहिलाच वणवा असल्याचे परिसरातील लोक सांगतात. आगाशिव डोंगरावर लेण्यांच्या परिसरात अचानक वणवा लागल्याचे जवळच शेतात काम करत असलेल्या कृषिभूषण प्रा. संजय थोरात यांच्या निदर्शनास आले. यावर त्यांच्यासह तेथील लोकांनी घटनास्थळाकडे धाव घेऊन भडकत्या आगीला विझवण्याचा धोका पत्करून रौद्ररूप धारण करण्यापूर्वीच वणवा शमवला. शेतीमित्र अशोकराव थोरात, लक्ष्मण पवार, वन विभागाचे आनंद जगताप, वनपाल हनुमंत मिठारे आदींनी डोंगरमाथ्यावर पसरलेला हा वाणवा विझवण्यासाठी हवेचे मशीन, झाडांच्या फांद्या आदींचा वापर करून तीन तासांच्या अथक प्रयत्नांतून ही आग आटोक्यात आणली. 

आणखी वाचा

हेही वाचा >>> राज्यातील सत्ताबदलावर अजित पवारांचे विधान, म्हणाले “एकनाथ शिंदेंच्या मनात आले आणि…”

यानंतर अशोकराव थोरात माध्यमांशी बोलताना म्हणाले की, डोंगरपायथ्याच्या निसर्गप्रेमींनी फावल्या वेळेत वनसंपदेचे रक्षण करावे. वणवा लावणाऱ्या समाजकंटकांना प्रतिबंध करताना वनखाताच्या चांगल्या कामाला सहकार्य केले पाहिजे. वनाधिकारी तुषार नवले यांनी पावसाळ्यात प्रयत्नपूर्वक लावलेली रोपे व बीजारोपण, बीज गोळे या माध्यमातून उगवलेल्या छोट्या रोपांची वणव्यात राखरांगोळी झाल्याची खंत व्यक्त केली. आगाशिव डोंगरावर पुरातन संपत्ती आहे. ती नष्ट होऊ नये म्हणून पुरातत्व विभागाच्या कर्मचाऱ्यांनीही लक्ष ठेवणे गरजेचे असल्याचे ते म्हणाले. अविचाराने हवा, पाणी, जंगल, जमीन यांची मानवाने हानी केल्याने हवामानात बदल होत आहेत. त्यामुळे आगाशिव डोंगरावर येणाऱ्या पर्यटकांनी वणवा लागू नये, याची काळजी घेतली पाहिजे असे आवाहन नवले यांनी या वेळी केले.