भाजपाच्या बल्लारपूर शहराच्या माजी अध्यक्षाच्या भावाची दोन मुलांवर गोळ्या झाडून आत्महत्या

कोरोना विषाणूमुळे सर्वत्र टाळेबंदी व संचारबंदी लागू आहे. वेकोली वसाहत परिसरातील भगतसिंग वॉर्डात शांतता कायम असताना अचानक बंदुकीतून गोळ्या झाडल्याचा आवाज परिसरातील लोकांच्या कानी पडला आणि एकापाठोपाठ एक नागरिक घराबाहेर पडले. द्विवेदी यांच्या घराच्या दिशेने आवाज आल्याने  सर्वांचा मोर्चा तिकडे वळला. यानंतर घरात बघितले असता मुलचंद द्विवेदी रक्ताच्या थारोळ्यात पडले होते. तर मुलेही रक्ताच्या थारोळ्यात दिसून आली.

घटनेची माहिती तातडीने पोलिसांना देण्यात आली. पोलिसांनी घटनास्थळ गाठून जखमी  पवनला बल्लारपूर ग्रामीण रूग्णालयात हलवले. प्रकृती चिंताजनक असल्याने त्यास चंद्रपूर येथील शासकीय वैद्यकीय महाविद्यालयात हलविण्यात आले. मृतक मुलचंद द्विवेदी व आकाश यांचा मृतदेह ताब्यात घेऊन उत्तरीय तपासणीसाठी पाठवला. घटनेची नोंद पोलिसांनी घेतली असून, पुढील तपास बल्लारपूर पोलिस करीत आहेत. ही घटना कौटुंबिक कलहातूनच घडल्याची चर्चा बल्लारपुरात आहे.

मूलचंद द्विवेदी हे नागपूर येथे नोकरीला होते. करोना टाळेबंदीत बल्लारपूर येथे अडकून पडले होते. ते   भाजपाचे बल्लापूर शहराचे माजी अध्यक्ष शिवचंद द्विदी यांचे भाऊ आहेत.