माजी आमदार प्रदीप नाईक यांचे निधन, दहेली तांडा येथे गुरुवारी अंत्यसंस्कार

प्रदीप नाईक यांच्या निधनाचे वृत्त बुधवारी सकाळी जाहीर झाल्यानंतर राष्ट्रवादी काँग्रेस पक्षासह अन्य पक्षीय नेत्यांनाही धक्का बसला. मागील २५ वर्षांहून अधिक काळ राष्ट्रवादी काँग्रेसच्या माध्यमातून राजकीय क्षेत्रात सक्रिय राहिलेल्या नाईक यांनी २००४ ते २०१९ पर्यंत किनवट विधानसभा मतदारसंघाचे प्रतिनिधित्व केले. दहेली तांडा येथील सामान्य कुटुंबात त्यांचा जन्म झाला. महाविद्यालयीन शिक्षण पूर्ण होण्यापूर्वीच त्यांनी आधी व्यवसायात पदार्पण केले. १९९९ साली पहिल्यांदाच विधानसभा निवडणूक लढविणार्‍या नाईक यांच्या वाट्याला अपयश आले; पण या पराभवाने खचून न जाता ते मतदारसंघात सक्रिय राहिले आणि नंतर सलग तीनदा विजय प्राप्त करून तब्बल १५ वर्षे त्यांनी किनवट-माहूर भागाचे प्रतिनिधित्व केले.

आणखी वाचा

डेक्कन जिमखाना भागात मोटारीच्या धडकेत दुचाकीस्वाराचा मृत्यू

Malasian Airlines: बेपत्ता MH370 चा शोध; पुण्यातील प्रल्हाद…

पुणे : लग्नाची मागणी केल्याने बेदम मारहाणीत एकाचा मृत्यू, गोखलेनगर भागातील घटना

मुंबई : ईडीची निवासस्थानी शोधमोहीम सुरू असताना व्यावसायिकाचा मृत्यू

ॲडल्ट चित्रपटाचं शूटिंग करताना घडली भयंकर घटना, हॉटेलच्या बाल्कनीतून कोसळून २७ वर्षीय अभिनेत्रीचा मृत्यू

पदपथावर झोपलेल्या कचरा वेचकाच्या शरिरावरून मोटार गेल्याने मृत्यू

पिंपरी : ‘जीबीएस’मुळे युवकाचा मृत्यू

काही सेकंदाची मस्करी जीवावर बेतली; गुदद्वाराजवळ कम्प्रेसर पाईप नेल्याने तरुणाचा मृत्यू

हेही वाचा…अक्कलकोटजवळ मोटार आणि ट्रकच्या अपघातात चौघांचा मृत्यू , देवदर्शनासाठी गाणगापूरला जाताना काळाचा घाला

नाईक यांच्या निधनाबद्दल राष्ट्रवादी काँग्रेस (शरदचंद्र पवार) पक्षाचे अध्यक्ष खा.शरद पवार, उपमुख्यमंत्री अजित पवार, माजी मुख्यमंत्री खा.अशोक चव्हाण, नांदेडचे खासदार रवींद्र चव्हाण, आ.भीमराव केराम यांच्यासह जिल्ह्यातील विविध पक्षांच्या नेत्यांनी शोक व्यक्त केला आहे. नुकत्याच झालेल्या विधानसभा निवडणुकीत प्रदीप नाईक यांनी भाजपाच्या भीमराव केराम यांच्या विरुद्ध मोठ्या नेटाने लढत दिली. पण या निवडणुकीत त्यांचा पराभव झाला. राष्ट्रवादीच्या तुतारी या चिन्हाशी साधर्म्य असलेल्या पिपाणी या निवडणूक चिन्हावर निवडणूक लढविणार्‍या एका अपक्ष उमेदवारास अपेक्षेपेक्षाही जास्त मते मिळाल्यामुळे नाईक यांना पराभव स्वीकारावा लागला. या पराभवाचा त्यांना धक्का बसला होता. त्यातूनच त्यांच्या प्रकृतीत चढ-उतार सुरू होते आणि अखेर नवीन वर्षाच्या पहिल्याच दिवशी त्यांनी अखेरचा श्वास घेतला.