अनिल देशमुखांच्या छातीत दुखू लागले; केईएमच्या ICU मध्ये केलं दाखल

खांद्याची शस्त्रक्रिया करण्यासाठी परवानगी

नोहेंबर २०२१ मध्ये मनी लॉन्ड्रिंग प्रकरणी सीबीआयने त्यांना अटक केली होती. देशमुखांनी या महिन्याच्या सुरुवातीला आपल्या खांद्याची शस्त्रक्रिया करण्यासाठी परवानगी मागणारी याचिका दाखल केली होती. मात्र, न्यायालयाने ती याचिका फेटाळून लावली होती. याचिकेत त्यांनी खासगी रुग्णालयात शस्त्रक्रिया करण्याची परवानगी मागितली होती. परंतु न्यायालयाने त्यांना शहरातील जेजे रुग्णालयात उपचार करण्याचे आदेश दिले होते.

काय आहे भ्रष्टाचाराचे प्रकरण?

मुंबईचे माजी पोलीस आयुक्त परमबीर सिंह यांनी भ्रष्टाचाराचे आरोप लावले होते. त्यानंतर देशमुखांना गृहमंत्रीपद सोडावे लागले होते. नंतर सीबीआयने त्यांच्यावर भ्रष्टाचारावरुन गुन्हा दाखल केला होता.