दिगंबर शिंदे
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
लग्नसराईमुळे मागणी
हारासाठी वापरण्यात येत असलेल्या गलांडा आणि निशिगंधाच्या दरात लग्नसराईमुळे चौपट वाढ झाली असून, मार्गशीर्ष महिन्यातील गुरुवारमुळे फुलांना मागणी वाढली आहे. मिरजेच्या बाजारात फुलांना ‘अच्छे दिन’ आले असले तरी वाढत्या थंडीमुळे फुलांच्या उत्पादनातही घट झाली आहे.
जिल्हय़ात मिरज बाजार समितीत पश्चिम महाराष्ट्रातील फुलांची बाजारपेठ विकसित झाली असून कर्नाटकातील गोकाक, अथणी, कागवाड या परिसरासह तासगाव, मिरज, कवठेमहांकाळ परिसरातून रोज फुलांची आवक होत आहे.
दिवाळीनंतर वाढलेल्या थंडीमुळे झेंडूची आवक थांबली असून, हारासाठी झेंडूऐवजी गलांडा फुलांचा वापर मोठय़ा प्रमाणात केला जात आहे. थंडीमुळे गलांडाची कळी जास्त येत नसल्याने आणि झाडांची वाढ खुंटल्याने उत्पादनातही घट झाली आहे.
झेंडूचे उत्पादन थांबल्याने आणि गलांडाचे उत्पादन कमी झाल्याने बाजारात गलांडा व निशिगंध या फुलांच्या दरात चौपट वाढ झाली आहे. एरवी २० रुपये दहा किलो मिळणारा गलांडय़ाचा दर ७० ते ८० रुपये दहा किलोवर गेला आहे, तर निशिगंधाचा दर ५० ते ६० रुपयावरून २०० रुपयावर गेला असल्याचे हार तयार करणारे कोरे बंधू यांनी सांगितले.
मार्गशीर्ष महिन्यातील गुरुवारी महिला वर्ग महालक्ष्मीचे व्रत करीत असल्याने आणि लग्नसराईमुळे हारांना मागणीही प्रचंड आहे. दरवाढीमुळे ही मागणी पुरविण्यात अडचणी निर्माण होत असून, नियमित ग्राहकांना हार पूर्वीच्याच दरात देताना हारातील फुलांची संख्या कमी करून होणारा तोटा भरून काढत असल्याचे हार विक्रेते कोरे यांनी सांगितले.
लग्नसराईमुळे मागणी
हारासाठी वापरण्यात येत असलेल्या गलांडा आणि निशिगंधाच्या दरात लग्नसराईमुळे चौपट वाढ झाली असून, मार्गशीर्ष महिन्यातील गुरुवारमुळे फुलांना मागणी वाढली आहे. मिरजेच्या बाजारात फुलांना ‘अच्छे दिन’ आले असले तरी वाढत्या थंडीमुळे फुलांच्या उत्पादनातही घट झाली आहे.
जिल्हय़ात मिरज बाजार समितीत पश्चिम महाराष्ट्रातील फुलांची बाजारपेठ विकसित झाली असून कर्नाटकातील गोकाक, अथणी, कागवाड या परिसरासह तासगाव, मिरज, कवठेमहांकाळ परिसरातून रोज फुलांची आवक होत आहे.
दिवाळीनंतर वाढलेल्या थंडीमुळे झेंडूची आवक थांबली असून, हारासाठी झेंडूऐवजी गलांडा फुलांचा वापर मोठय़ा प्रमाणात केला जात आहे. थंडीमुळे गलांडाची कळी जास्त येत नसल्याने आणि झाडांची वाढ खुंटल्याने उत्पादनातही घट झाली आहे.
झेंडूचे उत्पादन थांबल्याने आणि गलांडाचे उत्पादन कमी झाल्याने बाजारात गलांडा व निशिगंध या फुलांच्या दरात चौपट वाढ झाली आहे. एरवी २० रुपये दहा किलो मिळणारा गलांडय़ाचा दर ७० ते ८० रुपये दहा किलोवर गेला आहे, तर निशिगंधाचा दर ५० ते ६० रुपयावरून २०० रुपयावर गेला असल्याचे हार तयार करणारे कोरे बंधू यांनी सांगितले.
मार्गशीर्ष महिन्यातील गुरुवारी महिला वर्ग महालक्ष्मीचे व्रत करीत असल्याने आणि लग्नसराईमुळे हारांना मागणीही प्रचंड आहे. दरवाढीमुळे ही मागणी पुरविण्यात अडचणी निर्माण होत असून, नियमित ग्राहकांना हार पूर्वीच्याच दरात देताना हारातील फुलांची संख्या कमी करून होणारा तोटा भरून काढत असल्याचे हार विक्रेते कोरे यांनी सांगितले.
