Ganesh Festival 2024 Live: आपल्या लाडक्या बाप्पाच्या आगमनासाठी राज्यभरातील गणेशभक्तांमध्ये मोठा उत्साह पाहायला मिळत आहे. तसाच उत्साह देशभरात आणि विदेशातही गणरायाची मोठ्या भक्तीभावाने प्राणप्रतिष्ठा करणाऱ्या भाविकांमध्ये दिसून येत आहे. घरगुती आणि सार्वजनिक गणेश मंडळांकडून जल्लोषात बाप्पांची मिरवणूक काढून त्यांचं स्वागत केलं जात आहे. गणरायाच्या आगमनाच्या जल्लोषात एकीकडे भक्तमंडळी लीन असताना दुसरीकडे पोलीस दलाकडून सुरक्षेत कोणतीही कसूर होणार नाही याची दक्षता घेतली जात आहे.
