राज्यभरातील बाप्पाला भावपूर्ण निरोप

फोटो गॅलरी 

• कोटी कोटी रूपे तुझी…
• गणरायाच्या विसर्जनाला परदेशी पाहुणे
• …पुढच्या वर्षी लवकर या!
• पुण्यातील गणेश विसर्जन सोहळा
• चैन पडेना आम्हाला..
• ..पुढच्या वर्षी लवकर या!

गेल्या दहा दिवसांपासून राज्यभरातील वातावरण गणेशमय झाले असताना सोमवारी सकाळपासून गणेश मंडळांमध्ये गणेश विसर्जनाची तयारी करण्यात कार्यकर्ते व्यस्त होते. सजवलेल्या हातगाडय़ांवर, मारुती व्हॅन, जीप, ट्रक आदी वाहनांवर श्री मूर्ती ठेवून तसेच श्रींसमोर ढोल ताशे, बेंजो या वाद्यांबरोबरच डिजेवर मंगलमय गाण्यांच्या सीडी लावून सार्वजनिक व घरगुती श्री विसर्जनाला मिरवणुकीचे स्वरूप आले होते. यावेळी वाद्यांच्या तालावर तरुणी, महिला आणि युवक बेधुंद होऊन नाचताना दिसले.
दरम्यान, राज्यातील काही महत्वाच्या ठिकाणी घातपाती कारवाया होण्याची शक्यता गुप्तचर विभागाने वर्तवली होती. या घटनेचे गांभीर्य लक्षात घेत, ठिकठिकाणी सीसीटिव्ही कॅमेरे बसवण्यात आले होते. राज्य राखीव पोलीस दलांसह इतर अनेक पोलीस दले नागरिकांच्या संरक्षणासाठी कार्यरत होते. चोख पोलीस बंदोबस्तात सर्व कार्यक्रम सुरळीत पार पडल्याने पोलिसांनी सुटकेचा निःश्वास टाकला आहे. तसेच गिरगाव चौपाटी येथे विसर्जना दरम्यान मुख्यमंत्री पृथ्वीराज चव्हाण हे देखील उपस्थित होते. आपल्या आगमनाआधी राज्यभरात समृद्धी नांदावी म्हणून गणरायाने पावसाने जनतेला संतुष्ट केले असल्याचे त्यांनी म्हटले.