लोटे येथील एक्सेल कंपनीतून वायू गळती; ग्रामस्थांचे ठिय्या आंदोलन

रत्नागिरी मुंबई गोवा महामार्गावर असणा-या लोटे औद्योगिक वसाहतीतील (एमआयडीसी) एक्सेल कंपनीतून मोठ्या प्रमाणात वायू गळती झाल्याने शंभर पेक्षा जास्त ग्रामस्थांना कंपनीच्या गेट समोर ठिय्या आंदोलन केले. लोटे येथील एक्सेल कंपनीत झालेल्या वायू गळतीमुळे अनेकांना श्वसनाचा त्रास सुरु झाला. तसेच येथील चार जणाना तात्काळ रुग्णालयात उचारासाठी दाखल करण्यात आले आहे. आज सायंकाळी झालेल्या या वायू गळतीचे कारण अद्याप स्पष्ट होवू शकले नाही. मात्र वायू गळतीमुळे जवळील चालकेवाडी आणि तिलारेवाडीतील शंभर पेक्षा जास्त ग्रामसग्रामस्थांनी एक्सेल कंपनीच्या गेटवर येऊन ठिय्या आंदोलन केल्याने येथील वातावरण चांगलेच तापले आहे.