Gautam Adani BJP-NCP Alliance Talks : "राष्ट्रवादी-भाजपाच्या युतीच्या बैठकीत गौतम अदाणीही होते", अजित पवारांचा मोठा गौप्यस्फोट; म्हणाले...

२०१९ च्या विधानसभा निवडणुकीच्या निकालानंतर शिवसेना आणि भाजपा यांच्यात मुख्यमंत्री पदावरून वादळ निर्माण झालं. या मुळे या दोन्ही पक्षांची युती संपुष्टात आली. तेवढ्यात अजित पवार आणि देवेंद्र फडणवीसांनी सत्ता स्थापन केली.

एनसीपी - भाजपा युतीबाबत अजित पवारांचा मोठा खुलासा (फोटो - लोकसत्ता ग्राफिक्स टीम)

Gautam Adani BJP-NCP Alliance Talks Ajit Pawar Reveals : राष्ट्रवादी काँग्रेस पक्षाचे नेते अजित पवार यांनी २०१९ च्या विधानसभा निवडणुकीच्या निकालानंतर भाजपाबरोबर हातमिळवणी करत उपमुख्यमंत्री पदाची शपथ घेतली होती. मात्र, हे सरकार अल्पावधित कोसळलं. शरद पवारांच्या सांगण्यावरूनच तो शपथविधी झाला होता, असा खुलासा नंतर अजित पवारांनी केला. राष्ट्रवादी आणि भाजपाच्या युतीसाठी मोठ्या उद्योगपतीच्या घरात ही चर्चा झाली होती, असंही अजित पवार म्हणाले होते. हा मोठा उद्योगपती कोण, याबाबत अजित पवारांनी आज अधिकृत माहिती दिली आहे. न्यूज लॉन्ड्री या युट्यूब चॅनेलला दिलेल्या मुलाखतीत ते बोलत होते.

२०१९ च्या विधानसभा निवडणुकीच्या निकालानंतर शिवसेना आणि भाजपा यांच्यात मुख्यमंत्री पदावरून वादळ निर्माण झालं. या मुळे या दोन्ही पक्षांची युती संपुष्टात आली. जनतेने संपूर्ण बहुमत या युतीला दिलेलं असतानाही त्यांनी सरकार स्थापनेसाठी मुख्यमंत्री पदाची खुर्ची प्रतिष्ठेची ठरवली. दरम्यान, यात राष्ट्रवादी काँग्रेस आणि भाजपा यांच्यात युती झाली. देवेंद्र फडणवीस यांनी मुख्यमंत्री अन् अजित पवारांनी उपमुख्यमंत्री पदाची शपथ घेतली. या राजकीय खेळीमुळे संपूर्ण राज्यभर गोंधळाची स्थिती निर्माण झाली होती. परंतु, शरद पवारांनी या युतीला पाठिंबा न दिल्याने अवघ्या ८० तासांत हे सरकार कोसळलं आणि महाविकास आघाडीची सत्ता आली. परंतु, २०१९ मध्ये अजित पवारांनी भाजपाची साथ का दिली? त्यांना शरद पवारांचा पाठिंबा होता का? असे प्रश्न आजही राजकीय वर्तुळात उपस्थित केले जातात.

आणखी वाचा

yogi Adityanath told mahavikas aghadi problem

काँग्रेस आघाडी ‘समस्या’; तर भाजपा महायुती ‘समाधान’ – योगी आदित्यनाथ

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

rss bjp tussle ends maharashtra vidhan sabha election 2024

वादावर पडदा, RSS भाजपासाठी मैदानात; विधानसभेसाठी यंत्रणा कार्यान्वित!

waiting for nitin gadkari and devendra fadnavis joint campaign meeting

Nagpur Assembly Constituency : गडकरी-फडणवीस यांच्या संयुक्तप्रचार सभेच्या मुहुर्ताची प्रतीक्षा

सांगलीत जयंत पाटील यांची कसोटी

Sharad Pawar: “होय, बैठक झाली होती, पण…”, NCP-BJP एकत्र येण्यासाठी अदाणींच्या घरी बैठक; अजित पवारांच्या दाव्यावर शरद पवार म्हणाले…

Amit Shah : “उद्धव ठाकरे तुमच्यात दम असेल तर…”, अमित शाहांचं भर सभेत खुलं आव्हान, म्हणाले…

Dhananjay Mahadik : धनंजय महाडिक आगीतून फुफाट्यात? महिलांबाबत केलेल्या वक्तव्यावरून माफी मागताना नवं वक्तव्य, म्हणाले…

हेही वाचा >> Uddhav Thackeray : “तुमचं नियुक्ती पत्रक दाखवा, पाकिटातील पैसे दाखवा”, सामानाची तपासणी करणाऱ्या अधिकाऱ्यांनाच उद्धव ठाकरेंनी घेतलं फैलावर!

दिल्लीत मोठ्या उद्योगपतीच्या घरात बैठक झाली

याबाबत त्यांनी याआधीही खुलासा केला होता की, या नव्या राजकीय समीकरणासाठी शरद पवारांचा पाठिंबा होता. याबाबत एका मोठ्या उद्योपगतीच्या घरी चर्चाही झाली होती. परंतु, कोणत्या उद्योगपतीच्या घरात चर्चा झाली हे मात्र गुलदस्त्यात होतं. आता त्या उद्योगपतीचं नावही समोर आलं आहे. अजित पवार म्हणाले, “आमचे वरिष्ठ नेते जसं सांगतात तसं आम्ही करतो. २०१९ च्या घटनेला आता ५ वर्षे झाली. सर्वांना माहितेय कुठे मीटिंग झाली. दिल्लीत कोणत्या उद्योगपतीच्या घरात मीटिंग झाली. पण आता जे झालं ते झालं.”

गौतम अदाणी बैठकीला होते

दरम्यान, एनसीपी भाजपा युतीसाठी पाच बैठका झाल्याचंही बोललं जातंय. या बैठकांबाबत अजित पवार म्हणाले, “हो. यासाठी पाच बैठका झाल्या होत्या. मी पुन्हा सांगतो अमित शाह, गौतम अदाणी, प्रफुल्ल पटेल, देवेंद्र फडणवीस, अजित पवार, शरद पवार या बैठकीला होते. या बैठकीत भाजपात जाण्यासाठी चर्चा झाली होती. सर्व ठरलं होतं. परंतु, त्या घटनेची जबाबादारी माझ्यावर आली आहे. ती जबाबदारी घेतली आहे. बाकी सर्वांना मी सुरक्षित केलं आहे”, असंही ते म्हणाले.

शरद पवारांच्या मनातलं माझी काकीही सांगू शकणार नाही

राष्ट्रवादी आणि भाजपाची युती होत असताना शरद पवारांनी नकार का दिला? त्यांनी या युतीला पाठिंबा का दिला नाही? असाही प्रश्न अजित पवारांना विचारण्यात आला. त्यावर अजित पवार म्हणाले, “शरद पवारांच्या मनात काय आहे, हे जगात कोणलाच ओळखता येणार नाही. कोणालाच नाही. मलाही नाही. माझी काकीही सांगू शकणार नाही.”

गौतम अदाणींची प्रतिक्रिया काय?

दरम्यान, या प्रकरणावर गौतम अदाणींच्या प्रतिक्रियेसाठी इंडियन एक्स्प्रेसने अदाणींच्या प्रवक्त्याशी संपर्क साधला असता त्यांनी प्रतिक्रिया द्यायला नकार दिला. तसंच, इंडियन एक्स्प्रेसच्या वृत्तानुसार, अजित पवारांनी मुलाखतीत पाच वर्षांपूर्वीचा उल्लेख केलाय. मात्र, गौतम अदाणी २०१७ च्या बैठकीत हजर होते, असं भाजपाच्या सूत्रांकडून सांगण्यात येतंय.

Web Title: Gautam adani was part of bjp ncp alliance talks ajit pawar reveals sgk