Girish Mahajan Cabinet Meeting : निधी वाटपावरून राज्याचे अर्थमंत्री अजित पवार आणि ग्रामविकास मंत्री गिरीश महाजन यांच्यात राज्य मंत्रिमंडळाच्या बैठकीत खडाजंगी झाल्याचं वृत्त काही वृत्तवाहिन्यांनी प्रसारित केलं आहे. “आमच्या खात्याला निधी देत नसाल तर आम्ही काय जमिनी विकायच्या का?” असा प्रश्न महाजन यांनी अजित पवारांना विचारल्याचा दावा केला जात आहे. याबाबत गिरीश महाजन यांना प्रश्न विचारल्यानंतर त्यांनी हे वृत्त फेटाळलं आहे. महाजन यांनी काही वेळापूर्वी जळगावात प्रसारमाध्यमांशी बातचीत केली. यावेळी त्यांना विचारण्यात आलं की, मंत्रिमंडळ बैठकीत तुमच्यात आणि अजित पवारांमध्ये खडाजंगी झाल्याचं वृत्त खरं आहे का? तुम्ही दोघेही एकमेकांवर नाराज असल्याची देखील चर्चा आहे, याबद्दल काय सांगाल? यावर गिरीश महाजन म्हणाले, आमच्यात अजिबात नाराजी नाही किंवा मंत्रिमंडळ बैठकीत कुठेही खडाजंगी वगैरे झालेली नाही आणि हीच वस्तूस्थिती आहे. उलट मला ती बातमी वाचून खूप आश्चर्य वाटलं होतं.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
