"उद्धव ठाकरे यांनी लोकसभा निवडणूक लढवावी, अन्...", भाजपा मंत्र्याचं आव्हान

"पंतप्रधान मोदींवर बोलताना उद्धव ठाकरेंनी थोडं भान ठेवलं पाहिजे," असेही भाजपा नेत्याने सुनावलं.

लोकसभा निवडणूक लढवण्याचं गिरीश महाजनांचं उद्धव ठाकरेंना आव्हान

मी खुलेआम काँग्रेसबरोबर गेलो होतो. तुमच्यासारखं अर्धा रात्री लपून-छपून बैठका घेतल्या नव्हत्या. आम्हाला काँग्रेसबरोबर जाण्यास मजबूर कुणी केलं? असा सवाल शिवसेना ( ठाकरे गट ) पक्षप्रमुख उद्धव ठाकरे यांनी भाजपाला विचारला होता. यावर मंत्री गिरीश महाजन यांनी प्रत्युत्तर दिलं आहे. तुमच्यात हिंमत होती, तर निवडणुकीपूर्वी जायचं होतं, असं गिरीश महाजन यांनी म्हटलं आहे.

गिरीश महाजन म्हणाले, “तुमच्यात हिंमत होती, तर निवडणुकीपूर्वी काँग्रेसबरोबर जायचं होतं. पंतप्रधान मोदी, गृहमंत्री शाह आणि फडणवीसांनी केलेल्या प्रचारानंतर तुमचे १८ खासदार निवडून आले. तुमच्या नावावर खासदार निवडून आले नाहीत. तुमच्यात हिंमत असेल, तर लोकसभा निवडणुकीला उभे राहा. आणि फक्त २ खासदार निवडून आणावे.”

आणखी वाचा

Controversy over ministership in Shiv Sena

शिवसेनेतील मंत्रिपदाची रस्सीखेच चव्हाट्यावर

Sharad Pawar : मविआचं सरकार आल्यास मंत्रिमंडळात कोण…

नायडूंना खोटे बोलण्याची सवयच, जगन मोहन रेड्डी यांचे मोदींना पत्र; मुख्यमंत्र्यांवर थेट आरोप

Who is BJP face for Delhi poll campaign Smriti Irani

Smriti Irani for Delhi CM: अमेठीत पराभव आता दिल्लीच्या मुख्यमंत्रीपदासाठी संभाव्य दावेदार, भाजपा दिल्लीची सूत्रे स्मृती इराणींच्या हाती देणार?

केजरीवाल यांचा आज राजीनामा? राज्यपालांकडे भेटीसाठी वेळ मागितली

Arvind Kejriwal : अरविंद केजरीवालांनी मुख्यमंत्रिपदाचा राजीनामा देण्याची घोषणा का केली? काय आहे राजकीय गणित?

TMC MP Jawhar Sircar : तृणमूल काँग्रेस अन् खासदारकीचा राजीनामा देण्याचं कारण काय? जवाहर सरकार यांनी केलं मोठं भाष्य

Balasaheb Thorat, Gulabrao Patil, Finance Minister,

महायुतीने राज्य बरबाद करण्याचे काम केले, अर्थमंत्र्यांबाबत मंत्री गुलाबराव पाटलांच्या वक्तव्याचे मी समर्थन करतो – बाळासाहेब थोरात

हेही वाचा : “…तर त्यांना कोकणवासीय जनतेला देशद्रोही म्हणायचे असेल”, आदित्य ठाकरेंचं ‘त्या’ भाजपा नेत्याला प्रत्युत्तर

“बाळासाहेब ठाकरे एवढी मोठी शिवसेना तुमच्याकडं सोपवून गेले, तुम्ही काय ठेवलं? तुमच्या तानाशाही आणि हुकूमशाहीमुळे खासदार आणि आमदार राहिले नाहीत,” अशी टीका गिरीश महाजन यांनी उद्धव ठाकरे यांच्यावर केली.

“पंतप्रधान मोदींवर बोलताना उद्धव ठाकरेंनी थोडं भान ठेवलं पाहिजे. राम मंदिर मोदींनी नाहीतर न्यायालयाने बनवलं असं उद्धव ठाकरे सांगतात. पण, ठाकरेंकडे बघून काय बोलावे? हेच समजत नाही,” असा टोलाही गिरीश महाजन यांनी लगावला आहे.

हेही वाचा : प्रियंका चतुर्वेदींबाबत संजय शिरसाटांनी केलेल्या ‘त्या’ दाव्यावर आदित्य ठाकरेंची संतप्त प्रतिक्रिया; म्हणाले, “अशा…”

“करोना काळात मंदिर बंद ठेवण्यात आली. कुणाच्या सांगण्यावरून तुम्ही मंदिर उघडत नव्हता? भाजपाने आंदोलन केल्यावर तुम्ही मंदिरे सुरु केली. म्हणून तुम्ही बेगडी हिंदुत्वावर बोलू नका,” अशा शब्दांत गिरीश महाजन यांनी उद्धव ठाकरे यांना सुनावलं आहे.

First published on: 30-07-2023 at 14:03 IST

Web Title: Girish mahajan attacks uddhav thackeray over pm narendra modi statement challenge loksabha election ssa

“उद्धव ठाकरे यांनी लोकसभा निवडणूक लढवावी, अन्…”, भाजपा मंत्र्याचं आव्हान

"पंतप्रधान मोदींवर बोलताना उद्धव ठाकरेंनी थोडं भान ठेवलं पाहिजे," असेही भाजपा नेत्याने सुनावलं.