“संजय राऊतांच्या जिभेला हाड नाही, त्यांच्या तोंडाला…”, गिरीश महाजनांची टोलेबाजी!

“इतके दिवस शिवसेना भाजपाबरोबर होती, त्यामुळे भाजपाचे बालेकिल्ले भक्कम होते. पण आता खरी शिवसेना कुठे आहे, हे स्पष्ट झालं आहे. आगामी निवडणुकीत भाजपाचे सर्व बालेकिल्ले ताब्यात घेऊ,” असं विधान संजय राऊतांनी केलं होतं. राऊतांच्या या विधानावर भाजपा नेते गिरीश महाजन यांनी प्रत्युत्तर दिलं आहे. संजय राऊतांच्या जिभेला हाड नाही, त्यांनी एक जागा जिंकली म्हणजे मोठा तीर मारला असं नाही, अशी खोचक टीका गिरीश महाजन यांनी केली. ते प्रसारमाध्यमांशी संवाद साधत होते.

आणखी वाचा

अल्पवयीन मुलांकडून सांगलीत एकाचा भोसकून खून, मिरजेत खेळाच्या वादातून गोळीबार

एसटी बस पुलावरून कोसळून ३५ जण जखमी, इस्लामपूरजवळ…

शाळकरी मुलाची गोळी झाडून आत्महत्या

राज्यात दुधाचा ‘महापूर’; गत आर्थिक वर्षात १ कोटी ७१ लाख लिटरचे दैनंदिन विक्रमी संकलन

देशातील पहिली ‘मोबाइल फॉरेन्सिक व्हॅन’ राज्यात सुरू

राज्याचे ‘वित्तीय आरोग्य’ खालावल्याचे निती आयोगाकडून निदान

सोयाबीन खरेदीत महाराष्ट्र अव्वल;जाणून घ्या, राज्यातून खरेदी किती झाली

सोयाबीनला कमी दर मिळाला; केंद्रीय कृषिमंत्र्यांची कबुली, जाणून घ्या, पुढील आश्वासन काय

Rajul Patel : ऐन महापालिका निवडणुकीच्या तोंडावर ठाकरे गटाला मोठा धक्का; ‘या’ महिला नेत्याचा शिंदे गटात प्रवेश

हेही वाचा- “राणांच्या मदतीने फडणवीस बच्चू कडूंचा गेम करतायत”; सुषमा अंधारेंच्या टीकेवर बच्चू कडूंचं प्रत्युत्तर, म्हणाले, “१५० कोटी…”

संजय राऊतांच्या विधानाचा समाचार घेताना गिरीश महाजन म्हणाले की, संजय राऊतांच्या जिभेला हाड नाहीये. त्यांच्या तोंडाला लगाम नाहीये. ते सध्या बेछूट सुटले आहेत. ते दररोज सकाळी उठून कुणालाही शिव्या घालतात, कोणालाही काहीही बोलतात. एक जागा जिंकली म्हणून त्यांनी फार मोठा तीर मारला, असं समजू नये. आगामी काळात महापालिका आणि जिल्हा परिषदेच्या अनेक निवडणुका आहेत. या निवडणुकांमध्ये शिवसेना काय दिवे लावते, हे त्यांनी दाखवावं, अशी खोचक टोलेबाजी गिरीश महाजनांनी केली.