गोपीचंद पडळकरांनी मुख्यमंत्र्यांना करून दिली ‘राजधर्माची’ आठवण; इशारा देत म्हणाले, “संवैधानिक प्रतिक्रियेला अन्…”

गोपीचंद पडळकर म्हणाले, “एकनाथ शिंदे हे संपूर्ण राज्याचे मुख्यमंत्री आहेत. आपली ओळख संवेदनशील नेता म्हणून आहे. आपल्याला राजधर्माची आठवण करून देण्याची वेळ आली आहे. मुख्यमंत्रीपदाची शपथ घेताना सर्वांसाठी सर्वसमावेशक नेतृत्व करणार असल्याची प्रतिज्ञा आपण घेतली होती. धनगर आरक्षणाबाबत सरकारनं ५० दिवसांची वेळ दिली होती. आज ही मुदत संपली आहे.”

आणखी वाचा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Devendra Fadnavis Income : उपमुख्यमंत्र्यांची एकूण संपत्ती किती?…

Amit Shah : ‘महायुतीचं सरकार आल्यास मुख्यमंत्री कोण?’ अमित शाह म्हणाले, “नेतृत्व…”

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

‘देवेंद्र फडणवीस पुन्हा मुख्यमंत्री?’, अमित शाहांच्या त्या विधानावर अजित पवारांचं मोठं विधान; म्हणाले, “निवडणूक झाल्यावर…”

लोकमानस: धोरणांचा प्रचार झालाच नाही

“देवेंद्र फडणवीसांविरोधात आता खटला भरला पाहिजे, त्यांनी राज्यातील…”; छगन भुजबळांच्या ‘त्या’ दाव्यावरून सुप्रिया सुळेंचा हल्लाबोल!

“लाल संविधान दाखवून शहरी नक्षलवादाला प्रोत्साहन देतात” म्हणणाऱ्या देवेंद्र फडणवीसांना राहुल गांधींचं प्रत्युत्तर; म्हणाले…

“मुख्यमंत्र्यांनी ठोस भूमिका घेतली नाही”

“धनगर आरक्षणाबद्दल सरकारी पातळीवर ठोस हालचाल झालेली दिसत नाही. फक्त विशिष्ट समाजासाठी वाट्टेल ते करण्याची आपली तयारी असल्याची धारणा बहुजन समाजात होत आहे. आघाडी सरकारनं धनगर आरक्षण नाकारून मोठ्या प्रमाणात अन्याय केला. शिंदे सरकारच्या नेतृत्वाखाली धनगर आरक्षणाचा प्रश्न निकाली निघेल, अशी समाजाची भावना होती. पण, आपल्याकडून ठोस भूमिका घेण्यात आली नाही,” अशी खंत पडळकरांनी व्यक्त केली.

“समिती गठीत करून समाजाच्या पदरात काहीच पडणार नाही”

“आतापर्यंत धनगर समाजाच्या पदरी निराशाच आली आहे. धनगर समाजाबाबत चालू केलेल्या योजनाही बंद आहेत. सरकारकडून योजनांना निधीही दिला गेला नाही. याबाबत तातडीने मुख्यमंत्र्यांनी निर्णय घ्यावा. समिती गठीत करून समाजाच्या पदरात काहीच पडणार नाही,” असं पडळकरांनी म्हटलं.

“धनगर समाजाच्या रोषाला सामोरे जाण्याची तयारी सरकारनं ठेवावी”

“आपल्या नेतृत्वात धनगर आरक्षणाचा प्रश्न मिटेल, अशी आशा आम्हाला आहे. अन्यथा धनगर समाजाच्या संवैधानिक प्रतिक्रियेला आणि आंदोलनाच्या रोषाला सामोरे जाण्याची तयारी सरकारनं ठेवावी,” असा इशारा गोपीचंद पडळकरांनी दिला आहे.