नातीवर बलात्कार; नवजात बालकाचा खून

संशयित आजोबांनी जानेवारी ते मार्च २०१८ या कालावधीत नातीवर शेतात अत्याचार केले. याबाबत कुठेही बोलल्यास मारून टाकण्याची धमकीही त्यांनी दिली. यामुळे तिने याबद्दल कोणालाही सांगितले नाही. मात्र या घटनेनंतर ती गरोदर झाली होती. दोन दिवसांपूर्वी तिने एका बाळाला जन्म दिला. या बाळामुळे आपली काळी कृत्ये लोकांना समजतील या भीतीने आरोपीने ते बाळही मारून टाकले आहे. या प्रकरणी फलटण ग्रामीण पोलीस ठाण्यात गुन्हा दाखल झाला आहे. अधिक तपास सहायक पोलीस निरीक्षक एस. एस. बोमले करत आहेत. संशयिताला अटक करण्यासाठी पोलिसांनी पथके रवाना केली आहेत.