बोगस बिलांसंदर्भात मोठं रॅकेट उघड, २२१५ कोटींच्या घोटाळ्याप्रकरणी जीएसटी विभागाकडून सूत्रधाराला अटक

या व्यक्तीच्या अधिक चौकशीमध्ये आढळून आले की, नंदकिशोर शर्मा हा अशा प्रकारच्या २६ बोगस कंपन्या चालवतो. या कंपन्यांमार्फत आतापर्यंत २२१५ कोटी रुपयांची बोगस बिले बनविण्यात आली आहेत. या बोगस बिलांमध्ये डायमंड, कपडे, स्टील इत्यादी वस्तूंच्या बिलांचा समावेश आहे. याप्रकरणी वस्तू व सेवाकर विभागाला १२६ कोटी रुपयांची करचोरी उघड करण्यात यश आले आहे. या प्रकरणाचे आंतरराष्ट्रीय पातळीवर धागेदोरे आहेत का? याबाबतचा तपास सुरू आहे.

महानगर दंडाधिकाऱ्यांनी आरोपीला १४ दिवसांची न्यायालयीन कोठडी सुनावली आहे. ही धडक कारवाई सहाय्यक राज्यकर आयुक्त गणेश विलास रासकर, अविनाश ब. चव्हाण, संजय मो. शेटे व इतर सहाय्यक राज्यकर आयुक्त यांनी केली. केवळ दोन आठवड्यांच्या कालावधीत बोगस बिलांसंदर्भात एक मोठे रॅकेट उघडकीस आणले आहे. या मोहिमेद्वारे महाराष्ट्र वस्तू व सेवाकर विभागाने कर चुकवेगिरी करणाऱ्यांना एक प्रकारे इशारा दिलेला आहे.