गुणरत्न सदावर्ते यांना कोल्हापूर न्यायालयाकडून काहिसा दिलासा; प्रतिक्रिया देत म्हणाले, “…म्हणून माझा खून होत नाही”

मराठा समाज व मागासवर्गीय समाज यांच्या जातीय तेढ निर्माण करणारे चिथावणीखोर विधान केल्याप्रकरणी सदावर्ते यांना कोल्हापूर पोलिसांनी अटक केली होती. न्यायालयाने त्यांना सोमवारपर्यंत पोलीस कोठडीत ठेवण्याचा आदेश दिला होता. त्याची मुदत संपल्यावर त्यांना पुन्हा न्यायालयात हजर करण्यात आले. यावेळी न्यायालयाने सदावर्तेंना १४ दिवसाची न्यायालयीन कोठडी सुनावली.

“…म्हणून माझा खून होत नाही”

यावेळी माध्यमांशी बोलताना सदावर्ते यांनी आपण राजर्षी शाहू, डॉ. आंबेडकर यांच्या विचाराचे वंशज असल्याचा दावा केला. चौथा स्तंभ पाठीशी असल्यामुळे माझा खून होत नाही, असंही सदावर्ते म्हणाले. कोल्हापूर पाठोपाठ पुणे पोलीस सदावर्ते यांना अटक करणार आहेत. यावरून जाणीवपूर्वक त्रास दिला जात आहे का, असे विचारले असता सदावर्ते यांनी संविधानाची शक्ती त्रास बाजूला ठेवते असे मत व्यक्त केले.