अजित पवारांच्या मुख्यमंत्री होण्याच्या इच्छेवर रवींद्र धंगेकरांचं मिश्किल विधान; म्हणाले, “मलाही…”

यानंतर अजित पवारांनी एका वृत्तमाध्यमाला दिलेल्या मुलाखतीत, मुख्यमंत्री होण्याची इच्छा व्यक्त केली. अजित पवारांच्या या विधानानंतर महाराष्ट्राच्या राजकारणात पुन्हा खळबळ उडाली. सत्तांतराच्या चर्चांना पुन्हा उधाण आलं. दरम्यान, कसबा विधानसभा मतदारसंघाचे नवनिर्वाचित आमदार रवींद्र धंगेकर यांनी अजित पवारांच्या मुख्यमंत्री होण्याच्या इच्छेवर मिश्किल विधान केलं.

हेही वाचा- शिंदे गटाच्या आमदारांना पुन्हा ठाकरे गटात घेणार? नीलम गोऱ्हेंचं सूचक विधान; म्हणाल्या, “शत्रुत्व असलं तरी…”

अजित पवारांच्या मुख्यमंत्री होण्याच्या इच्छेबद्दल विचारलं असता रवींद्र धंगेकर हसत म्हणाले, “मलाही मुख्यमंत्री व्हावं वाटतंय.” सोलापूर येथे प्रसारमाध्यमांशी संवाद साधताना रवींद्र धंगेकर यांनी हे विधान केलं आहे. दरम्यान त्यांनी करमाळा येथील काँग्रेस पक्षाच्या स्थानिक पदाधिकाऱ्यांमध्ये असलेल्या गटबाजीवर भाष्य केलं. स्थानिक नेत्यांचा वाद चर्चेच्या माध्यमातून सोडवला जाईल, असा विश्वासही त्यांनी व्यक्त केला.