सांगली: मिरज तालुक्यात मुसळधार पाऊस, एकजण पुरात गेला वाहून

सायंकाळी तानंग, कळंबी, सोनी परिसरात जोरदार पाऊस झाला. सायंकाळी तानंग ओढा दुथडी भरुन वाहू लागल्याने रानात गेलेले शेतकरी, मजूर अडकून पडले. या लोकांना सुखरुप ओढा पार करण्यासाठी विजय कारंडे प्रयत्न करत होते. या प्रयत्नात पाण्यातील पायाखालचा दगड निसटल्याने कारंडे जोराच्या प्रवाहाबरोबर वाहून गेले. काही अंतरावर झाडाचा बुंधा हाती लागताच त्याच्या आधारे झाडावर बसले. दोन-अडीच तासाच्या प्रयत्नानंतर आयुष बचाव पथकाने दोरीच्या मदतीने भ्रमणध्वनीच्या विजेरीच्या प्रकाशात बाहेर काढले.