साताऱ्यासह महाबळेश्वर वाईमध्ये जोरदार पाऊस; अंबेनळी घाटात दरड कोसळली

बुधवारी सकाळी महाबळेश्वर-पांचगणी मुख्य रस्त्यावर बगीचा कॉर्नर नजीक पाणी साठल्याने वाहतूक संथ आहे. या रस्त्यावरून मार्ग काढताना वाहनचालकांना चांगलीच कसरत करावी लागली. तर लिंगमळा परिसर देखील जलमय झाल्याचे पहावयास मिळाले. महाबळेश्वर शहर व परिसरात जुलै महिन्याच्या प्रारंभीपासून शहर व परिसरात पाऊस सुरू आहे. मागील दोन दिवसात आजही जोरदार वाऱ्यासह पावसाने अक्षरश: झोडपून काढले

आणखी वाचा

बंगालच्या उपसागरात कमी दाबाचा पट्टा….१५ नोव्हेंबरनंतर मात्र….

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

मुंबईतील हवेचा दर्जा मध्यम श्रेणीतच

उत्तर महाराष्ट्रात थंडी वाढली; जाणून घ्या, थंडी का आणि किती दिवस?

हवा प्रदूषणात उरण देशात तिसऱ्या क्रमांकावर, शहरातील नागरिकांना सर्दीखोकला तसेच श्वसनाचा त्रास

वसई-विरार पालिका परिसरात सलग दुसर्‍या दिवशी पैशांचा पाऊस, दोन कोटींहून अधिक रक्कम जप्त

विधानसभा निवडणुकीच्या पार्श्वभूमीवर दक्षिण मुंबईत कारवाई ; सव्वा दोन कोटींची रोख जप्त

दिवाळीत फटाके फुटले तरी प्रदूषण कमी, मात्र दिवाळी आटोपताच उपराजधानीत…..

मागील चोवीस तासात जोर ३११ मिमी महाबळेश्वर येथे २७६.५ मिमी तासात पावसाची नोंद नोंद करण्यात आली. दरम्यान संततधार पावसाने बुधवारी वेण्णालेक महाबळेश्वर मुख्य रस्त्यावर ठिकठिकणी जलमय रस्त्यातून वाट काढताना वाहनचालकांना मोठा त्रास सहन करावा लागला.

वाई तालुक्यातील जोर जांभळी परिसरात मुसळधार पाऊस सुरु असल्याने धोम बलकवडी धरण २.६९ टीएमसी ६९. ७३६ टक्के भरले आहे. धोम धरण ५.४४ टीएमसी ४०.२९ टक्के पाणी साठ्यात वाढ झाली आहे. वेण्णा नदीला पूर आला आहे. सर्वत्र सुरु असणाऱ्या मुसळधार पावसाने ओढे नाले तुडूंब भरून वाहत आहेत.रस्त्यावर पाणी साठले आहे.पुणे बंगळूर महामार्गावर वाहतूक संथ गतीने सुरु आहे.पावसाने ग्रामीण व शहरी भागातील जनजीवन विस्कळीत झाले आहे. सातारा शहरातील पोवई नाका परिसरातील भुयारी मार्ग ( ग्रेड सेपरेटर) पावसामुळे वाहतुकीसाठी बंद ठेवण्यात आला आहे. कास पठार परिसरात मुसळधार पाऊस सुरू असल्याने तेथील धबधबे ओसंडून वाहत आहेत. अद्याप पर्यंत पावसाने पडझडीची अथवा रस्ते पूल साकव वाहून गेल्याची माहिती मिळालेली नाही.