“ऑक्‍टोबर हिट’ नव्हे पाऊस; पुढील दोन दिवसात मुसळधार

ऑक्टोबर म्हटलं की उन्हाचा चटका हे समिकरण डोक्यात बसलं आहे. पण यंदा ऑक्टोबर महिन्यात पावसानं धुमाकूळ घातला आहे. त्यातच आता पुढील दोन दिवस हवामान विभागानं पावसाचा अंदाज वर्तवला आहे. त्यामुळे दसऱ्याला पाऊस बरसण्याची शक्यता आहे.  पंधरा दिवसांहून आधिक काळ रखडलेला मोसमी पावसाच्या परतीचा प्रवास तीन दिवसांपूर्वी सुरु झाला आहे. २८ ऑक्टोबरपर्यंत संपुर्ण देशातून तो माघारी जाणार असल्याचा अंदाज हवामान विभागानं वर्तवला आहे. दरम्यान, पुढील दोन दिवस मध्य महाराष्ट्र आणि कोकणात काही ठिकाणी मुसळधार पाऊस पडणार असल्याचाही अंदाज व्यक्त करण्यात आला आहे.