तुरुंगातील दिवाळी कशी होती? संजय राऊतांनी सांगितली आठवण, म्हणाले, “एक चकली, एक लाडू…”

तुरुंगात दिवाळी कशी साजरी केली? याबाबत संजय राऊतांनी सविस्तर उत्तर दिलं आहे. मी राजकीय कैदी असल्यामुळे इतर कैद्यांप्रमाणे तुरुंगाच्या आवारात मला स्वातंत्र्यपणे फिरण्याची मुभा नव्हती. त्यामुळे तुरुंगात दिवाळी कशी साजरी करतात? याची फारशी कल्पना नाही. पण तुरुंगाबाहेर फुटणाऱ्या फटाक्यांवरून दिवाळी असल्याचं समजत होतं, अशी प्रतिक्रिया संजय राऊत यांनी दिली. ते ‘एबीपी माझा’शी बोलत होते.

आणखी वाचा

केंद्रीय गृहमंत्री अमित शहा म्हणतात,’ मोदींनी नक्षलवाद व आतंकवाद संपविला’

Nana Patole : निकालाआधी राजकीय घडामोडींना वेग; यातच…

संजय केळकर आणि संजय भोईर यांचे मनोमिलन; ठाणे शहरात महायुतीमधील नाराजी अखेरच्याक्षणी दूर

आरक्षणासाठी ५० टक्के मर्यादा तोडू! नांदेडमधील सभेत राहुल गांधींकडून मोदी लक्ष्य

संजय राऊतांमुळे राज्यातील आघाडीचे सरकार गेले, विश्वजित कदम यांची खोचक टीका

संजय राऊत यांच्या वक्तव्याचा ‘टिसा’कडून निषेध

संजय राऊत यांच्या वक्तव्यामुळे व्यापारी आक्रमक; माफी मागून विधान मागे घ्या, अन्यथा रोषाला सामोरे जा

पुन्हा ‘३७० कलम’ राहुल गांधींना आता कायमचे अशक्य- अमित शहा यांचे काँग्रेसवर टीकास्र

हेही वाचा- “भाजपाला निवडून द्या, रामलल्लाचं मोफत दर्शन घडवू”; अमित शाहांच्या विधानावर आव्हाडांची तिखट प्रतिक्रिया, म्हणाले…

तुरुंगातील दिवाळीबाबत विचारलं असता संजय राऊत म्हणाले, “ऑर्थर रोड तुरुंग मध्यवस्तीत आहे. आजूबाजूला सगळ्या चाळी आहेत. मराठी वस्ती आहे. तिथे पहाटेपासून दिवाळीचं वातावरण असतं. तुरुंगात असताना दिवाळीच्या आदल्या दिवशी घरून थोडासा फराळ आला होता. त्यासाठी आवश्यक परवानगी घेतली होती. त्याबरोबर एक उटण्याचं पाकीटही आलं होतं. मग आम्ही तीन-चार लोकांनी ते उटणे वाटून घेतलं आणि स्वत:च स्वत:च्या अंगाला लावून घेतलं. घरी आई किंवा पत्नी अंगाला उटणे लावत असते. पण आम्ही स्वत:च्या हाताने उटणे लावून थंड पाण्याने आंघोळ केली. त्यानंतर एक चकली आणि एक लाडू होता, तो आम्ही खाल्ला, अशी आम्ही दिवाळी साजरी केली.”

हेही वाचा- गुणरत्न सदावर्तेंच्या अडचणींत वाढ; ‘त्या’ आरोपावरून शरद पवार गट ॲक्शन मोडमध्ये

“आपल्याला आहे त्या परिस्थितीत सामावून घेता आलं पाहिजे. युद्धावरच्या सैनिकांची कुठे दिवाळी असते. मी स्वत:ला राजकीय कैदी मानतो. आम्ही या देशातील लोकशाही आणि संविधान टिकवण्यासाठी देशात सध्या जे हुकूमशाही प्रवृत्तीचं राजकारण सुरू आहे, ते मोडून काढण्यासाठी बोलत राहिलो, काम करत राहिलो. अशावेळी त्यांनी आमच्यावर खोटे खटले दाखल केले तर ते आम्ही स्वीकारले पाहिजे,” असंही संजय राऊत म्हणाले.