“डॉ. नरेंद्र दाभोलकरांची हत्या कशी झाली? मारेकरी कसे पोहचले?” माजी सीबीआय अधिकाऱ्यांनी सांगितला घटनाक्रम

कसा होता नरेंद्र दाभोलकरांच्या हत्येचा घटनाक्रम

२० ऑगस्ट २०१३ या दिवशी संभाजीनगर (पूर्वीचं औरंगाबाद) मारेकरी सचिन अंदुरे आणि शरद कळसकर पुण्यातील शिवाजीनगर बस स्टॉपवर आले. त्यानंतर शनिवार पेठ या ठिकाणी असलेल्या एका घरात हे दोघे आहे. तिथे एक मोटरसायकल त्यांच्यासाठी तयार ठेवण्यात आली होती. सचिन अंदुरे आणि शरद कळसकर या दोघांनीही डॉ. नरेंद्र दाभोलकर ज्या इमारतीत राहायचे तिथली पाहणी केली. साधना मीडिया सेंटरच्या समोरच ही इमारत आहे. या इमारतीतून डॉ. दाभोलकर मॉर्निंग वॉकसाठी निघाले आणि पाठोपाठ सचिन अंदुरे आणि शरद कळसकरही निघाले होते. डॉक्टर नरेंद्र दाभोलकर पुण्यातील विठ्ठल रामजी शिंदे पुलावर आले. त्यापाठोपाठ त्यांचे मारेकरी शनिवार पेठ येथील पोलीस चौकीसमोर दबा धरून बसले. डॉक्टर दाभोलकर पुलावरून परत जाण्याची ते वाट बघत होते.