१२ वी परीक्षेच्या पहिल्याच दिवशी वडिलांचे निधन, घरात मृतदेह असतानाही परीक्षा दिली, वाशिमच्या साक्षीला ९० टक्के गुण

वाशिममध्ये इयत्ता बारावीत असणाऱ्या साक्षी बोरकर या मुलीच्या परिक्षेच्या पहिल्याच दिवशी तिच्या वडिलांचे निधन झाले. अशावेळी घरात वडिलांचा मृत्यूदेह असतानाही साक्षीने परीक्षा केंद्र गाठून १२ वीची परीक्षा दिली. बुधवारी (८ जून) १२ वीचा निकाल जाहीर झाला आणि यामध्ये साक्षीने ९० टक्के गुण मिळवून यश संपादन केले आहे.
रिसोड तालुक्यातील वडजी येथील शेतकरी रामेश्वर शेषराव बोरकर यांचे ४ मार्च रोजी निधन झाले होते. त्याच दिवशी मुलगी साक्षीचा इंग्रजी विषयाचा पेपर होता. घरात वडिलांचा मृतदेह असतानाही साक्षीने स्वतःला दुःखातून सावरलं आणि परीक्षा देण्याचा निर्णय घेतला. साक्षीची इंग्रजी विषयाची परीक्षा संपल्यानंतर तिच्या वडिलांवर अंत्यसंस्कार करण्याचा निर्णय नातेवाईकांनी घेतला. साक्षीने सकाळी ११ ते २ या वेळेत परीक्षा दिली आणि मग २ नंतर आपल्या वडिलांवर अंत्यसंस्कार केलं.

साक्षीच्या या कणखर निर्णयानंतर अखेर बुधवारी १२ वीचा निकाल जाहीर झाला. यात साक्षीला ९० टक्के गुण मिळाले. इंग्रजीच्या पहिल्याच विषयात तिला ७९ गुण मिळाले आहेत. तिच्या या यशाचे सर्वत्र कौतुक होत आहे. इतरांनीही संकटकाळात न डगमगता ताकदीनिशी संकटाचा सामना केल्यास यश संपादन होऊ शकते हेच साक्षीने दाखवून दिल्याची भावना व्यक्त होत आहे.

आणखी वाचा

अभ्यासाच्या तणावातून बारावीच्या विद्यार्थ्याची आत्महत्या

…तर औषधाची गरजच नाही! वाचा निरोगी आयुष्य जगण्यासाठी…

बाळ जन्मतः रडत नाही? सलग ७२ तास अनोखे उपचार आणि ट्याहां ट्याहां सुरू…

“मी अभ्यास करू शकत नाही, हे माझ्या आवाक्याबाहेर…” कोटामध्ये IIT प्रवेश परीक्षेची तयारी करणाऱ्या विद्यार्थ्याची आत्महत्या

रुग्णाच्या मृत्यूनंतर नातेवाईकांकडून तोडफोड, रुग्णालयातील कर्मचाऱ्यांना धक्काबुक्की प्रकरणी सहाजणांविरुद्ध गुन्हा

मुलांना विष पाजलं, स्वत:ही केली आत्महत्या; बंगळुरूत दाम्पत्याचं धक्कादायक कृत्य; मरणापूर्वी लिहिला सविस्तर ईमेल!

नागपुरात दोन मुलांना ‘एचएमपीव्ही’? गडचिरोलीत चार संशयित रुग्ण, नमुने तपासणीसाठी ‘एम्स’मध्ये

नागपूर : लग्नाच्या वाढदिवशीच दाम्पत्याची आत्महत्या, अपत्य होत नसल्यामुळे…

हेही वाचा : Maharashtra HSC Result 2022 : यंदा प्रवेश सुकर ; बारावीचा ९४.२२ टक्के विक्रमी निकाल; गेल्या वर्षी वाढविलेल्या जागांचा या वर्षी फायदा

निकालानंतर साक्षी बोरकर म्हणाली, “माझी ४ मार्चला इंग्रजी विषयाची परीक्षा होती. त्याचवेळी ब्रेन हॅमरेज होऊन माझ्या वडिलांचा मृत्यू झाला होता. मात्र, त्यानंतरही आज मला ९० टक्के गूण मिळाले. त्यामुळे मी माझ्या कुटुंबाचे धन्यवाद मानते. कारण त्यांनी मला खूप पाठिंबा दिला. माझ्या वडिलांना आज खूप अभिमान वाटला असता. ते आज माझ्यासोबत नाहीत, मात्र ते जेथे असतील तेथे त्यांना माझा अभिमान वाटत असेन.”