माझ्या मृत्यूपश्चात पत्नीचं कुंकू पुसू नका, पतीचं तहसीदराकडे प्रतिज्ञापत्र; सोलापूरमधील घटनेची राज्यभरात चर्चा

“पतीच्या मृत्यूनंतर विधवा महिलेचं कुंकू पुसलं जातं, मंगळसूत्र काढलं जातं, बांगड्या फोडल्या जातात. काही ठिकाणी अंगावरील दागिनेही काढून घेतले जातात. मरेपर्यंत महिलेला वाळीत टाकलं जातं. तसंच सणावाराला विधवा महिलेला आमंत्रणही दिलं जात नाही. कोणत्याही कार्यक्रमात त्यांना मान दिला जात नाही. अशा अनेक अनिष्ट रूढी परंपरा प्रथा आजही आपल्या समाजात आहेत. जग बदलत असले तरी महिलांवर होणारे अन्याय, अत्याचार कमी झालेले नाहीत. त्यामुळे अशा प्रथांना थारा देऊ नये यासाठी आपण हा निर्णय घेतल्याचे,” प्रमोद झिंजाडे यांनी जाहीर केलं.

आणखी वाचा

“महाराष्ट्रात स्क्रिन्स मिळत नाहीयेत यापेक्षा दुर्दैव…”, प्रथमेश परबने व्यक्त केली खंत; म्हणाला, “मायबाप प्रेक्षकांपर्यंत…”

IND vs AUS: “मी विराटला ओळखतो…,” कॉन्स्टास-कोहलीमध्ये मैदानात…

“राज्यात दहशतीचं वातावरण, कृपा करा अन्…”, शरद पवारांकडून मस्साजोगच्या ग्रामस्थांना धीर; म्हणाले, “आता आपण सगळ्यांनी…”

Bajrang Sonwane : संतोष देशमुख हत्याप्रकरणावर बोलताना बजरंग सोनवणे भावूक; म्हणाले, “काळजाला…”

Sunil Tatkare : “छगन भुजबळ यांच्याविषयी येवल्यात जाऊन कोण काय बोललं होतं ते…”; सुनील तटकरेंचं सुप्रिया सुळेंना उत्तर

“१२ वीमध्ये मी मराठी विषयामध्ये नापास झालो”; मिलिंद गवळी म्हणाले, “मी वर्गात जाताना…”

आमदार निवासातील गरम पाण्याचे गिझर बंद; आमदार म्हणतात, “अंघोळ करायची कशी?”

लोकमानस: तात्कालिक स्वार्थाचा विचार हेच कारण

महाराष्ट्र सरकारने विधवा महिला सन्मान कायदा केला पाहिजे अशी मागणीही यावेळी प्रमोद झिंजाडे यांनी केली आहे. ६४ वर्षीय प्रमोद झिंजाडे आणि अलका झिंजाडे यांच्या लग्नाला ४४ वर्ष झाली आहेत. त्यांना दोन मुलं आणि एक मुलगी असा परिवार आहे. सर्व मुलं उच्चशिक्षित असून लग्नं झाली आहेत. नोकरीसाठी ते सर्व बाहेरगावी असतात.

अलका झिंजाडे यांनी पतीच्या निर्णयाला पाठिंबा दिला आहे. पतीच्या आधी आपला मृत्यू व्हावा अशी भावना व्यक्त करताना त्यांनी जर तसं झालं नाही तर प्रतिज्ञापत्रात लिहिलं आहे त्याचं मी पालन करेन असं भावूक होत म्हटलं.

प्रमोद झिंजाडे यांच्या निर्णयाचं अनेकांनी कौतुक केलं असून समाजातील इतरांनीही अशाच प्रकारे पुढाकार घ्यायला हवा अशी भावना व्यक्त केली आहे. असे उपक्रम भविष्यात विधवा महिलांना सन्मान मिळवून देतील असा विश्वास प्रमोद झिंजाडे यांनी व्यक्त केला आहे.