” मी पुन्हा महाराष्ट्राचा मुख्यमंत्री होणार नाही हे ….” देवेंद्र फडणवीस यांची स्पष्टोक्ती

काय म्हटलं आहे देवेंद्र फडणवीस यांनी?

एकनाथ शिंदे यांनी शिवसेनेत बंड केल्यानंतर मुख्यमंत्री तुम्हीच होणार असं सगळ्या महाराष्ट्राला वाटलं होतं पण तुम्ही मुख्यमंत्री झाला नाहीत तर उपमुख्यमंत्री झालात त्याबद्दल काय सांगाल असा प्रश्न विचारण्यात आला तेव्हा देवेंद्र फडणवीस म्हणाले की, “सर्वात आधी उद्धव ठाकरे यांचे मनापासून आभार मानतो. कारण ते जे वागले त्यामुळेच हे सरकार येऊ शकलं. दुसरी महत्त्वाची गोष्ट ही की मी पुन्हा महाराष्ट्राचा मुख्यमंत्री होणार नाही हे मला पहिल्या दिवसापासून माहित होतं. मुख्यमंत्री होणार नाही याबद्दल मला काहीही अडचण नव्हती. मात्र मला उपमुख्यमंत्री व्हायचं आहे हे मला शेवटच्या क्षणी समजलं. मुख्यमंत्री न होणं हा माझाच निर्णय होता. ज्यावेळी हे सगळं घडलं तेव्हा मुख्यमंत्री पद आपण आपल्याकडे घेऊ नये हे मी पक्षाला सांगितलं होतं. तो निर्णय स्वीकारण्यास पक्षाला काही काळ लागला. “

आणखी वाचा

Devendra Fadnavis : “बटेंगे तो कटेंगे, एक है तो सेफ है या घोषणांमध्ये चुकीचं काहीच नाही, या घोषणा..”; देवेंद्र फडणवीस यांचं वक्तव्य

Nana Patole : निकालाआधी राजकीय घडामोडींना वेग; यातच…

Devendra Fadnavis : “महायुतीसमोरची एकमेव समस्या म्हणजे ‘व्होट जिहाद’ कारण..”, देवेंद्र फडणवीस यांचं वक्तव्य

फोडाफोडीच्या राजकारणामुळे फडणवीसांची विश्वसनीयता कमी; सुप्रिया सुळे

Devendra Fadnavis : “सुन लो ओवैसी…”, देवेंद्र फडणवीस यांचा एमआयएमला इशारा; म्हणाले, “काहीही झालं तरी…”

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

Nana Patole : “देवेंद्र फडणवीस मुख्यमंत्री कसे होतील? ते निवडून येणारच नाहीत..”; नाना पटोले काय म्हणाले?

“देवेंद्र फडणवीसांविरोधात आता खटला भरला पाहिजे, त्यांनी राज्यातील…”; छगन भुजबळांच्या ‘त्या’ दाव्यावरून सुप्रिया सुळेंचा हल्लाबोल!

मी सरकारच्या बाहेरच राहणार होतो

मी सरकारच्या बाहेर राहूनच पक्ष मजबूत करायचं असं ठरवलं होतं. मात्र आमच्या नेत्यांनी मला उपमुख्यमंत्री व्हायला शेवटच्या क्षणी सांगितलं. मी पक्षाचा एक सैनिक आहे. त्यावेळी निश्चित माझ्या मनात थोडं वाटून गेलंच. पण पक्षाने सांगितलेला आदेश मोठा आहे त्यापुढे काहीही नाही. मला त्यांनी घरी जायला सांगितलं असतं मी घरी बसलो असतो. माझ्या पक्षामुळेच मी इथवर वाटचाल केली आहे. आमच्या नेत्यांनी मला सांगितलं की बाहेर राहून सरकार चालवता येत नाही. त्यामुळे पक्षाने जो निर्णय घेतला तो मी मान्य केला असंही देवेंद्र फडणवीस यांनी म्हटलं आहे.

माझ्यात आणि एकनाथ शिंदेंमध्ये चांगला संवाद

माझ्यामध्ये आणि एकनाथ शिंदे यांच्यामध्ये चांगला संवाद आहे. माईक खेचल्याची ती जी क्लिप चालली ती पूर्ण पाहिली तर लक्षात येईल की तो प्रश्न मला विचारला गेला होता. त्यामुळे तो मी तो माईक घेतला. त्यानंतर अर्धीच क्लिप माध्यमांनी चालवली. त्यामुळे उद्धव ठाकरेंना एक कॅसेट चालवायला मिळाली. काही हरकत नाही. असंही देवेंद्र फडणवीस यांनी म्हटलं आहे.