कर्जत : जामखेड मतदार संघामध्ये आज रविवारी जय अजित पवार यांनी महायुतीतील कार्यकर्ते पदाधिकारी व नागरिकांच्या गाठीभेटी घेतल्या. यामुळे आता आमदार रोहित पवार यांच्या कर्जत जामखेड मतदार संघामध्ये जय अजित पवार उभे राहणार अशी चर्चा सुरू झाली आहे.
बारामती लोकसभा निवडणुकीमध्ये पवार कुटुंबामध्ये संघर्ष सुरू झाला. आता विधानसभेच्या निवडणुकीमध्ये देखील पवार कुटुंबीयांमध्ये बारामती व कर्जत जामखेड मतदार संघामध्ये संघर्ष होणार असे चित्र सध्यातरी दिसून येत आहे. बारामती मध्ये अजित पवार यांच्या विरोधात युगेंद्र पवार हे निवडणूक लढवणार असल्याचे चित्र निर्माण झाले आहे. तर अजित जय पवार यांना बारामती मधून उमेदवारी द्यावी अशी त्यांच्या कार्यकर्त्यांनी मागणी केली होती त्यावर अजित पवार यांनी यावर पक्ष कोर कमिटी निर्णय घेईल असे जाहीर केले होते. तर दुसरीकडे रोहित पवार यांच्या विरोधात अजित पवार यांच्यावर गुजरात मधून दिल्ली मार्गे उभा राहण्यासाठी दबाव आणण्यात येत आहे असे सांगितले होते. यामुळे कर्जत जामखेड मतदार संघामध्ये देखील पवार विरुद्ध पवार असा संघर्ष होणार असे चित्र निर्माण झाले आहे.
आणखी वाचा-Ajit Pawar : अजित पवार यांचं संजय राऊतांना उत्तर, “आई बापाने जन्म दिलाय म्हणून उचलली जीभ..”
आज तर जय अजित पवार यांनी कर्जत जामखेड मतदार संघामध्ये दौरा आयोजित केला आहे. ग्रामदैवत गोधड महाराज याच प्रमाणे राशीनेतील जगदंबा देवीचे दर्शन त्यांनी घेतल्या असून चोंडी येथे अहिल्याबाई होळकर यांच्या समाधीचे दर्शन घेतले आहे. यावेळी त्यांनी महायुती पक्षातील काही प्रमुख नेत्यांची घरी जाऊन गाठीभेटी घेतल्या तर काही नागरिकांशी देखील संवाद साधला.
पत्रकारांशी बोलताना त्यांनी सांगितले की ही माझी राजकीय भेट किंवा दौरा नाही . पत्रकारांनी आपण पुन्हा येणार का अशी विचारणा केली असता नागरिकांनी जर मला परत बोलावले तर नक्कीच मला नागरिकांनी जर मला परत बोलावले तर नक्कीच मी परत येईल असे जय पवार पत्रकारांशी बोलताना म्हणाले.
