राज ठाकरेंना त्यांच्यासोबत झालेल्या चर्चेतील जे उघड करायचं आहे, ते त्यांनी करावं. आम्हाला कोणत्याही चर्चेचा तपशील उघड करायचा नाही, अशी प्रतिक्रिया भारतीय जनता पक्षाचे प्रदेशाध्यक्ष देवेंद्र फडणवीस यांनी व्यक्त केली. 
दोन दिवसांपूर्वी नाशिकमध्ये राज ठाकरे यांनी मनसे महायुतीमध्ये येणार का, या विषयावरील चर्चा आता थांबवा; नाहीतर माझ्याशी केलेली चर्चा उघड करावी लागेल, या शब्दांत महायुतीतील घटक पक्षांना फटकारले होते. त्यानंतर उद्धव ठाकरे यांनीही मंगळवारी मुंबईमध्ये महायुतीत चौथ्या भिडूची गरज नाही. मनसेसोबत विशालयुतीचा विषय आता संपलाय, असे सांगून या विषयावर पडदा टाकला होता.
राज्यातील कॉंग्रेस सरकार घालवण्यासाठी काय करायला हवं, यावर आमची त्यांच्यासोबत चर्चा झाली. त्या चर्चेतील राज ठाकरे यांना जे काही सांगायचं असेल, ते त्यांनी सांगावं. आम्हाला त्या चर्चेतील काहीही उघड करायचं नाही, असे फडणवीस म्हणाले.