एटीव्ही अपघात प्रकरणी पोलिसांची कारवाई, बापलेकांविरोधात अलिबाग पोलीस ठाण्यात गुन्हा दाखल in alibag police station case registered against father and son for atv vehicle accident at beach

अलिबाग समुद्र किनारी बेदरकारपणे एटीव्ही चालवून झालेल्या अपघाताची एक चित्रफीत समाज माध्यमांवर व्हायरल झाली होती. यात दोन महिला आणि उंट जखमी झाले होते.

alibag police station marathi news, atv vehicle accident alibag

एटीव्ही अपघात प्रकरणी पोलीसांची कारवाई, बापलेकांविरोधात अलिबाग पोलीस ठाण्यात गुन्हा दाखल (संग्रहित छायाचित्र)

अलिबाग : अलिबाग समुद्र किनारी बेदरकारपणे एटीव्ही चालवून झालेल्या अपघाताची एक चित्रफीत समाज माध्यमांवर व्हायरल झाली होती. यात दोन महिला आणि उंट जखमी झाले होते. समाज माध्यमांवर प्रसारीत झालेल्या या चित्रफीतीची गंभीर दखल पोलीस अधिक्षक सोमनाथ घार्गे यांनी घेतली होती. या चित्रफीतीची सत्यता पडताळून संबधितांवर तात्काळ कारवाई करण्याचे आदेश त्यांनी दिले होते. यानंतर अलिबाग पोलीस ठाण्यात एटीव्ही चालक, मालक बापलेकांविरोधात गुन्हा दाखल करण्यात आला आहे.

पोलीस अधीक्षकांच्या निर्देशानुसार अलिबागचे पोलीस निरीक्षक संजय बांगर आणि त्यांचे कर्मचारी समुद्र किनाऱ्यावर दाखल झाले. त्यांनी सदर घटनेची माहिती संकलित केली. यावेळी ही घटना २८ जानेवारी सायंकाळी पावणे पाच वाजेच्या सुमारास घडल्याची माहिती समोर आली. अपघातग्रस्त एटीव्ही बाईक ही दिनेश वसंत कार्लेकर (रा.शास्त्रीनगर) यांची असून त्यांचा अल्पवयीन मुलगा ही एटीव्ही चालवित होता अशी माहिती समोर आली. समुद्र किनाऱ्यावर व्यवसाय करण्यासाठी एटीव्ही चालकांनी पर्यटन संचलनालयाचे प्रमाणपत्र घेणे आवश्यक आहे. पण दिनेश कार्लेकर यांनी कुठलेही प्रमाणपत्र नसतांना आपल्या अल्पवयीन मुलाला व्यवसायासाठी ही एटीव्ही ताब्यात दिल्याचेही चौकशीत समोर आले.

आणखी वाचा

Aarey - BKC Underground Metro Inauguration,

आरे – बीकेसी भुयारी मेट्रो लोकार्पण : विरोधकांनी प्रकल्प रोखल्याने ‘मेट्रो ३’चा खर्च १४ हजार कोटींनी वाढला – पंतप्रधान मोदी

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

NCP Sharad Pawar group leader Jitendra Awad allegation regarding the project contractor thane

प्रकल्प कंत्राटदार आधीच ठरतो मग, कंत्राट काढले जाते; राष्ट्रवादी (शरद पवार गट) चे नेते जितेंद्र आव्हाड यांचा आरोप

Delhi Crime Doctor Shot dead in Hospital

Doctor Murder : “शेवटी २०२४ मध्ये हत्या केलीच”, डॉक्टरच्या हत्याप्रकरणी अल्पवयीन मुलगा गजाआड; सोशल मीडिया पोस्टही चर्चेत!

BJP challenges Ajit Pawar group MLA Sunil Shelke in Maval

मावळमध्ये अजितदादा गटाच्या आमदाराला भाजपचेच आव्हान

Minister of State for Labour, EY, CA girl EY,

‘ईवाय’मधील ‘सीए’ तरुणीच्या मृत्यूप्रकरणी केंद्रीय कामगार राज्यमंत्र्यांची मोठी घोषणा

thackeray group criticized pm narendra modi

“पंतप्रधान मोदींना मणिपूरपेक्षा रशिया-युक्रेन युद्धाची काळजी” ठाकरे गटाचं मोदी सरकारवर टीकास्र; म्हणाले…

Army officers assaulted and woman gangraped madhya pradesh

Army officers assault Case: ‘बलात्कारी आरोपीला गोळी घाला, नाहीतर मला मारा’, अत्याचारानंतर लष्करी जवानाची मैत्रीण धक्क्यात

हेही वाचा : Petrol Diesel Price Today: अर्थसंकल्पापूर्वीच जाहीर झाले पेट्रोल-डिझेलचे नवीन दर, मुंबई-पुण्यात भाव काय?

या माहितीच्‍या आधारे अलिबाग पोलीसांनी या दोघा बापलेकांविरोधात पर्यटकांच्या जीवितास धोका निर्माण होईल असे कृत्‍य केल्‍याबददल तसेच प्राण्‍यांना क्रुरतेने वागवल्‍या प्रकरणी अलिबाग पोलीस ठाण्यात गुन्‍हा दाखल केला आहे. पोलीस निरीक्षक संजय बांगर यांच्या मार्गदर्शनाखाली महिला पोलीस हवालदार किर्ती म्‍हात्रे याचा तपास करीत आहेत. दरम्‍यान समुद्र किनाऱ्यावर अशाच बेकायदा एटीव्‍ही मोठ्या प्रमाणात चालवल्या जात आहेत. या एटीव्ही राईडमुळे पर्यटकांच्या जीवाशी खेळ सुरू आहे. पोलीस आणि संबंधित यंत्रणांनी याची गंभीर दखल घेत रायगडच्‍या किनाऱ्यांवर ज्‍या बेकायदा एटीव्‍ही चालवल्‍या जातात त्‍यांच्‍यावर कारवाई करावी , अशी मागणी अलिबागकरांनी केली आहे.

First published on: 01-02-2024 at 10:39 IST

Web Title: In alibag police station case registered against father and son for atv vehicle accident at beach css