राजपुरी खाडीत रंगली शिडाच्या बोटींची शर्यत, कोकणभूमी प्रतिष्ठानचा अनोखा प्रयत्न

हेही वाचा : वंचितबाबत संभ्रम वाढला

छोट्या गटात प्रथम क्रमांक लक्ष्मी बोट, दुसरा क्रमांक सुलतान बोट, तिसरा क्रमांक सुलतानी बोटीने पटकावला. तर मोठ्या गटात प्रथम क्रमांक नूरानी बोट, दुसरा क्रमांक दस्तगीर बोट, तिसरा क्रमांक अकबरी बोटीने पटकावला. त्यांना रोख रक्कम व पारितोषिक देण्यात आले. दरवर्षी स्पर्धेसाठी बोटी चालक जय्यत तयारी करत असतात. आपल्या बोटीचे रंगकामे केली जाते, बोटीचे शीड नवीन किंवा दुरुस्त केले जाते. बोट जेटीवरून सुटल्यावर अगरदांडा जेटीला राउंड मारून पुन्हा राजपुरी जेटीकडे परत येतात. ही स्पर्धा पाहणे हा एक विलक्षण अनुभव असतो. जातांना बोटी अतिशय स्पीडमध्ये जातात, पण येताना शीड हवेप्रमाणे फिरून शिडावर बोटीचा समतोल राखून आणाव्या लागतात. चालकांचे कसब यावेळी पणाला लागते. महाराष्ट्र दिनी अशाच स्पर्धेचे पुन्हा आयोजन करण्याची घोषणा यावेळी कोकणभूमी प्रतिष्ठानच्या संजय यादवराव यांनी केली. स्पर्धेच्या नियोजनात आमदार महेंद्र दळवी, श्रीकांत सुर्वे, प्रकाश सरपाटील, जावेद कारभारी, राजपुरीच्या बोट मालक व नागरिक यांनी मोलाचे योगदान दिले.